PM Taur Aprezenta Asuntu Tolu ba PR “Lú Olo”

Naunil Media (Díli), Primeiru Ministru (PM) Taur Matan Ruak iha enkontru semanal ho xefe estadu hodi  apresenta asuntu tolu (3) ba Prezidenti Republika (PR) Francisco Guterres “Lú Olo”.

“Enkontru semanal ho Prezidente Repúblika ha’u ko’alia assuntu tolu ba sua Ezcelencia, ida mak simeira Comunidade País da Lingua Portuguêsa (CPLP) nian, ne’ebé mak sei halo iha Angola ita kandidatura ba sekretariadu CPLP nian, ida seluk mak ko’alia kona -bá Covid no prosesu vasinasaun ne’ebé agora la’o hela, no ida ultima mak kona-bá seguransa nian, akontesementu sira ne’ebé iha ita nia rai liu-liu kazu Lahane Osidental, ne’e mak ha’u ohin imforma ba Prezidenti Republika”, Dehan Primeiru Ministru (PM) Taur Matan Ruak ba Jornalista sira hafoin sorumutuk ho Prezidenti Repúblika (PR) Francisco Guterres “Lú Olo” iha Palásiu Prezidenti Nicolau Lobato Bairru Pite, kinta (10/06).

Xefe governu ne’e hatutan partisipa ba iha simeira CPLP  Primeiru Ministru sei la partisipa maibé kualker  forma reprezentante Timor-Leste nia sei ba.

Iha sorumutuk ne’e PM  mós relata  kazu Lahane ne’ebé  kondena Oknum balun mak tiru sidadaun na’in rua mate fatin no na’in ida kanek.

“Premeiru lugar ita kondena aktus sira hanesan ne’e aleinde ha’u triste liu manifesta ha’u nia tristeza, akontesementu ne’e tanba ida ne’ebé mak komete aktu ne’e ho vitima Família, hela ida ne’e mak ha’u triste liu, no problema hun saida hemu tua entaun lia naksalak ba malu no Polísia ho tiu mate no alin ne’e mesak família de’it uma lisan ida de’it”, Tenik Xefe governu Taur Matan Ruak.

Nia haktuir, kona ba prosesu kazu ne’e la’o hela no oknum polísia ne’ebé mak tiru matebian na’in rua mate ne’e iha  ona Prizaun preventiva.

Nia mós informa iha iha difisensia barak ne’ebé mak ministeriu interior liu-liu komandu Polísia Nasionál Timor-Leste mantein respeita no kooperasaun di’ak ho instituisaun sira seluk.

“Ne’e signifika katak ita sei iha difisiensia barak ne’e serbisu ida ne’ebé mak ministeriu interior, tenke fó mós nia kontribuisaun liu-liu komandu polísia nasionál Timor-Leste (PNTL), buat ida ke ha’u hakarak apela ba, povu tomak katak ema ida mak sala ne’e ema ida mak sala, ita labele dehan ema hotu mak sala, família António nia se João mak sala nia sala, la’ós fam’ilia tomak nia sala, PNTL mós hanesan tanba ne’e mantein respeita no koperasaun di’ak ho instituisaun, hanesan liman karik liman los ba Forsa Armadas liman karuk mak PNTL”, Katak nia

Nia mós dehan, dadaun ne’e sira diskute hela estatutu PNTL nian,  maibé ne’e problema kontrolu, kontrolu oinsá mak lori kilat, kontrolu oinsá emosaun, tamba kaer kilat tenke uza ho kuidadu.

“Ita tenke komfia uluk ita nia aan mak komfia buat sira ne’e, normalmente ema ne’ebé mak sai polísia no sai Forsa Armadas ne’e tenke kontrolu aan no kontrolu emosaun ne’e forte, labele kiik bo’ot labele koboy ne’e la di’ak, entaun presiza forma diak”, Dehan nia.

Ikus nia mós hato’o agradese ba opinaun hotu husi Sosiedade sivil, no mós husi Direitu Humanus ne’ebé mak hato’o kestaun no opinaun hotu relasiona ho kazu ne’e, Nia hakotu *Jos