Komisariu Faustino Apresenta Situasaun Rai Laran ba PR “Lú Olo”
Naunil Media (Díli), Komandante Jerál Polísia Nasionál Timor-Leste (PNTL) Komisariu Faustino da Costa no segundu komandante Mateus Fernandes aprezenta situasaun rai laran ba Prezidenti Repúblika (PR) Francisco Guterres “Lú Olo”.
“Enkontru semanal ne’ebé Polísia Nasionál Timor-Leste (PNTL) ha’u ho segundu komandante enkontru semanal ho Prezidenti Repúblika normalmente aprezenta ita nia situasaun rai laran, aprezenta situasaun la’o di’ak kalma, aprezenta mós liga ba estadu emerjénsia la’o hela saida mak Polísia halo”, Dehan Komandante Jerál PNTL Komisariu Faustino da Costa ba Jornalista sira hafoin enkontru semanal ho Prezidenti Repúblika (PR) Francisco Guterres “Lú Olo” iha Palásiu Prezidenti Nicolau Lobato Bairru Pite, kinta (10/06).
Kamisariu Faustino hatutan, aleinde kazu ida ikus-ikus ne’e sai hanesan preokupasaun bo’ot ba públiku ida ne’e mós aprezenta, husi Prezidenti Repúblika mós dehan katak prosesu hotu tuir lei no la’o tuir lei ne’ebé iha, no aproveita oportunidade ida ne’e haree ida ne’e para kontinua hala’o serbisu, hala’o husi parte ida ka oknum ida ou pesoal ida mas la’os instituisaun Polísia.
Nia dehan, Rejistensia PNTL durante tinan 21 ona agora sira aprezenta estatutu PNTL nian ba iha guvernu no mós hadia lejislasaun seluk fiar katak sei hetan rezultadu diak.
“Maibé ita mós tenta halo iha reformas ka hadia lejislasaun seluk, tanba ne’e mak iha proposta ida husi komandu prepara ona, la’ós de’it ba estatutu pesoal da polísia, maibé propriu organika regulamentu disiplina no rejime sira seluk ne’ebé ligasaun sira ne’e hotu ami aprezenta ona ba iha guvernu fiar katak sei hetan rezultadu ida di’ak”.Tenik Faustino.*Jos
