dr. Rui Araújo : “Presiza Estende EE Atu Espasu Kontrola COVID-19 Iha TL”

Fahe Tutan

Naunil Media (Díli), Porta voz Sentru Integradu Jestaun Krize (CIGC-Sigla Português), Rui Maria de Araújo, hateten estende tan estadu emerjensia ne’e nesesáriu hodi fo espasu ba liñas Ministeriais ho Sentru Integradu Jestaun Krize  hodi halo kontrolu no prevensaun Surtu COVID-19 iha Timor-Leste (TL).

Porta voz CIGC, Rui Maria de Araújo, informa ba jornalista sira Centro de Convenções de Díli (CCD), Domingo (26/04).

Nia hatutan, prespetiva Ministeriu Saúde no liña ministeriál sira hamutuk ho CIGC, inportante nafatin suspende pontu entrada sira no fo oportunidade ba ministeriu relevante sira hamutuk halo teste ba ema no perpara di’ak liu-tan fatin ba ema grave no krítiku.

“Teknikamente Ministeriu Saúde no Sentru Integradu Jestaun Krize, importante nafatin suspende lai ema hosi liur labele tama. Ministériu Saúde ho Ministériu sira seluk presiza tempu tan atu aumenta ba kapasidade, teste ema barak liutan no perpara fatin, liu-liu ba ema sira ne’ebe grave no krítiku, tamba ita Timor fumadór mos barak tebes no hemu tua-dór mos barak tebes, to’o agora ita seidauk prepara buat barak”, Tenik dr. Rui Maria de Araújo.

Tuir eis Ministru Saúde no eis Priministru iha governu konstitusionál da-néen, dr. Rui Maria de Araújo, katak estensaun estadu emerjénsia ne’e desizaun polítika maibe teknikamente, liña ministeriál sira hamutuk ho CIGC presiza nafatin espasu atu prepara didi’ak kondisoens, tamba ema iha kuarentena redús ona, bele fasilita CIGC hodi identifika pozitivu sira iha fatin kuarentena no bele mos kontrola bainhira kazu pozitivu ruma iha komunidade nia lete bele halo prevensaun lalais. Uar

Leave a Reply

Your email address will not be published.