Lere : Funu Manan ona, Agora Hasoru Fali Inimigu COVID-19

Naunil Media (Díli), Xefe Estadu Maior Jeneral FALINTIL-FFDTL, Majór Jeneral Lere Anan Timur, hateten funu hasoru milítar Indonézia manán ona no agora hasoru tan fali inimigu bo’ot pandemia COVID-19 ne’ebé invade iha mundu tomak no iha Timor-Leste. 

Eis-gerileiru rejistensia komandante rejiaun Um Ponta Leste, Lere Anan Timur, liuhusi diskursu Aniversáriu Transformasaun FALINTIL ba F-FDTL ba dala-20, iha Quartel Gerál, Fatuhada, Tersa (02/02).

Lere hatete, ohin loron  F-FDTL existensia ba dala-20 , infelizmente  razaun ne’ebé ema hotu hatene COVID-19 la primite atu selebra loron istóriku F-FDTL nian, tamba no importante ho partisipasaun maximu ba ukun nain sira, Timoroan sira ne’ebé ko’alia mós sira-nia direitu hola parte ba loron ida ne’e.

“Ita hotu hatene, ita-nia inimigu bo’ot ita uluk manán tiha ona Indonézia no agora ita buka mos atu manán inimigu ida Corona (COVID-19) ne’e”, tenik Lere. 

Ikus Lere dehan,  atravesa situasaun ne’ebé defisil la’ós Timor-Leste de’it, maibé mundu tomak mós afeta ba COVID-19.

“Timor-Leste labele haluha  memoria ba jerasaun tuir mai, komemora nafatin  memoria ba transformasaun FALINTIL ba F-FDTL”, tenik Lere. Flo/Emj1.