Marí Alkatiri : Kore Povu Husi Nakukun Tenki Hadi’ak Konseitu Dezenvolvimentu
Naunil Media (Díli), Sekretáriu Jerál Partidu FRETILIN, Marí Bin Amudi Alkatiri, hateten atu kore povu husi nakukun laran mak presiza, tenki hadi’ak konseitu sistema dezenvolvimentu edukasaun no saúde.
Marí Bin Amudi Alkatiri, hateten liu-husi ninia diskursu, ámbitu komemorasaun 7 Dezembru 1975, iha Komite Sentral FRETILIN (CCF-Sigla Portugés), Fatuhada, Segunda (07/12).
“Liu tiha tinan 18 restaura Independésia, ha’u hanoin sentidu luta ba libertasaun povu agora haburas fali ona, luta ba libertasaun povu ne’e hahú husi hadi’ak Ita-nia edukasaun no sistema saúde ne’e tenki muda konseitu dezenvolvimentu polítika iha rezultadu ba povu nia vida loro-loron, tanba ne’e mak FRETILIN la husik Governu konstitusionál da-ualu atu monu”, deklara líder nasionál ne’e.
Fundadór RDTL ne’e hatutan, jardín heróis atu haburas ita-nia memória funan ba be-beik tanba herói fó aan ba mate rihun ba rihun halo parte ba istória nakonu ho heróis martires, banati tuir kontinua ba Segunda faze libertasaun.
“Mak kore patria husi dominasaun estranjéru no faze kore povu, atu liberta povu hasai husi nakukun atu bele matenek liu husi Edukasaun no formasaun”, dehan eis Primeiru Ministru Marí.
Ikus liu, Nia dehan, “Ami jerasaun 1974 ho 1975 apelu ba jerasaun foun ida ne’e atu labele kontinua polítika ba manan poder de’it, maibé hametin estadu atu bele lori rain ne’e sai nasaun. Ha’u mai iha ne’e defende memória ho historia atu harii nasaun prosesu independénsia atu kontinua nafatin dependente ba dezenvolvimentu (Povo livertou a patria e povo, mais livertar) povu nia forsa mak matenek hodi liberta patria nia an raisk”. Tenik Marí. Ipe.
