Ministru Joaquim : Governu Mantein Apoiu Setor Privadu Nasionál
Naunil Media (Díli), Ministru Koordenadór Asuntu Ekonomiku (MCAE-Sigla Português), Joaquim Amaral, informa Governu konstitusionál da-ualu liu husi MCAE nafatin esforsu ba komprimisiu apoiu setor privadu nasionál iha situasaun surtu mundial COVID-19.
Membru Governu konstitusionál da-ualu, Jaoquin Amaral, ba jornalista sira hafoin hala’o vizita trabalho ba konstrusaun Otél Hilton, iha Fatuhada, Kinta (04/02).
“Governu atu hatudu nia-esforsu no komprimisiu tau matan nafatin, tanba Hotel Hilton fitun lima. Governu iha programa rekuperasaun ajuda investor sira mak hasoru defikuldade”, hateten Governante ne’e.
“Apoiu ne’e espesial liu iha area 30 atu kompleta hanesan Ace, eletrsidade ho progresu balun”, esplika Ministru Joaquim.
Nia dehan, Otél Hilton hanesan orgollu bo’ot ida ba nasaun Timor-Leste, tanba Otél ho marka internasionál ba nasaun sira ne’ebe ekonomia seidauk forte.
“Ne’e hatudu mos sinal konfiansa ida tamba setor privadu nasional bele konvense ona Hotel ho marka fitun lima ho marka mundu hanesan high Hilton hanesan iha rai sira seluk”, Tenik Joaquim.
Nia promote suporta nafatin inisiativa setor privadu nasionál, tamba ne’e parte ida husi promove turismu nasaun nian.
“Tenki garente kualidade konstrusaun, uza naran Hilton ne’e rekezitus hot-hotu estandarte, iha level hot-hotu.
Vizita kortezia ne’e, MCAE, Joaquim Amaral, atu hatene tuir prosesu konstrusaun Otél Hilton mak dadaun ne’e la’o hela. Latu/Chy
