Díli Vasina Primeira Doze Atinji 71% , Segunda Doze Atinji 51%

Naunil Media (Díli) Vise Ministru Saúde Boniafaciu Maukoli dos Reis, Informa munisípiu Díli simu vasina ba primeira doze atinji ona 71% no Segunda doze atinji ona 51%.

“Objetivu husi avaliasaun ne’e mak ita haree liu ba munisípiu Dili nia ne’ebé dadaun ne’e sira nia atinjimentu ba primeira doze atinji ona 71% no Segunda doze atinji ona 51, ne’e sei iha avansu maka’as ba iha loron hirak tuir mai tanba ita hatene katak agora tempu ona para sira hetan segunda doze”, Dehan vise Ministru Saúde Boniafaciu Maukoli dos Reis Ba jornalista sira iha Salaun Novu Turismu, kuarta (18/08).

Nia hatutan, Enkontru ohin ne’e halo avaliasaun para haree fila fali sira nia progresu sira nia atinjimentu no mós haree fali dezafius ne’ebé mak sei iha,  atu nune’e bele solusiona oinsá ba restante sira ne’ebé mak seidauk hetan vasina ne’e atu nune’e sira bele hetan fila fali vasina ne’e.

Dezafius mak ita nia sidadaun balun seidauk vasina entaun ne’e oinsá buka mekanismu para ema sira ne’ebé seidauk hetan vasina ne’e atu bele hetan fila fali vasina tanba ita haree kazu orseik ne’e kazu sa’e makaas(Rezista 192 kazus) TL rezista 247 kazus, Dehan nia.

“Sensibilizasaun importánte tanba ida ne’e mak enkontru ohin ne’e enkontru ho autóridade lokál sira,  tanba sira mak besik liu komúnidade sira entaun ho sira nia prezensa oinsá mak sira atu konsensializa Sensibiliza ita nia  komunidade sira para atu bele hetan vasina tanba ho vasina de’it mak ita bele proteze an husi moras Covid-19 no nia variante sira”, Tenik nia.

Ermera rejista 12 kazus tanba ida ne’e mak iha posibilidade boot bele mós infeta mai iha Munisípiu Díli, ho kazu ne’ebé orseik sa’e makaas ita mós bele deskonfia ba iha ne’ebá maibé rezultadu sira ne’e sei konfirma fila fali iha Austrália mak foin hatene los Delta ka lae, Nia haktuir.

Deskonfia Díli mós iha Delta,bele iha posibilidade hanesan ne’e,   maibé  ita seidauk bele deklara iha ne’e tanba sira nia rezultadu teste ne’e sei haruka ba halo konfirmasaun iha Austrália

“Amostra 20 mak lori ona bá Austrália 12 mak pozitiva rezista iha Ermera no Railako,  maibé agora iha mós ho kazu sira ne’ebé orseik rezista,  ita mós sei haruka ba Austrália no mós ba pasiente nain lima ne’ebé mak mate iha Domingo no Segunda,  iha veravrus nia rezultadu teste ne’e ita sei haruka ba konfirma iha Austrália para atu hatene lolos katak sira ne’e mate kauza husi Delta ka lae, Tanba ita haree labarik sira barak mak hetan infetadu, INA