Média Kontinua Disemina Medida Prevensaun COVID-19 ba Estudante Sira
Naunil Media (Díli), Sekretáriu Estadu ba Komunikasaun Sosiál, Merício Juvinal dos Reis ‘AKARA’, hateten media prontu nafatin atu transmite informasaun lolos ba sidadaun hotu liu-liu ba estudante sira banhira fila ba eskola nune’e sira iha koñesimentu kona-ba protokolu medida prevensaun husi Organizasaun Mundiál Saúde (WHO-Sigla Ingles) liga ba COVID-19 durante prosesu aprendijazen.
Sekretáriu Estadu ba Komunikasaun Sosiál, Merício Juvinal dos Reis ‘AKARA’ hateten asuntu ne’e iha nia itervensaun durante partisipa sorumutuk ho media, salaun Autoridade Nasionál Komunikasaun (ANC) Kaikoli, Tersa (07/07).
“Disseminasaun informasaun, ita sei kontinua fasilita, espera informasaun sira ne’e bele to’o ba áreas rurais hotu. Ita sei kolabora no koordena ho Media Nasionál no Rádio Komunidade sira para bele disemina no akompaña informasaun husi organizasaun mundiál saúde kona-ba COVID-19, maske ita konsege liu ona maibé virus ne’e sei eziste, ida ne’e ita hotu tenke esforsu maka’as halo prevensaun”, tenik AKARA.
Ezekutivu ne’e, hatutan Timor-Leste tenki orgullu maske hanesan nasaun ki’ik konsege halo prevensaun ba COVID-19 ho diak ho apoiu husi organizasaun mundiál sira hanesan OMS, UNICEF no parseiru hotu no Governu sei halo esforsu atu kontrola nafatin fronteira terrestre no aéreo atu nune’e virus ne’e labele tama iha rai laran.
Enkontru ne’e ho intensaun atu ko’alia kona-ba programa diseminasaun informasaun liga ho protokolu medida prevensaun husi OMS relasiona ho surtu COVID-19 ba estudante sira liuhusi kampaña ho tema “Fila ba Eskola ho Seguru no Saudável”.
Sorumutuk ne’e organiza husi SECOMS, Ministériu Edukasaun, Juventude no Desportu ho apoiu husi UNICEF Timor-Leste. Fet
