Kandidatu PR Assanami Rejistu ona TR, Ho Proponente Hamutuk 10.567

Naunil Media (Díli), Ekipa susesu Kandidatura ba Prezidenti da Repúblika  Mariano Assanami Sabino Lopes, husi Partidu Demokrátiku (PD) ohin  rejistu ona iha Tribunal Rekursu (TR), ho forsa polítiku mai husi  proponente munisípiu 13 inklui Rejiaun Administrativa Espesiál Oe-Cusse Ambeno (RAEOA) hamutuk  10.567.

Tuir Portavoz ekipa susesu kandidatura Prezidenti da Repúblika Mariano Assanami Sabino Lopes, Antonio Da Conceição “Kalohan”, Hateten ohin partidu Demokrátiku  (PD) mai ofisializa ona rejistu kandidatura ba Prezidenti da Repúblika Mariano Assanami Sabino Lopes, dokumentus sira ne’e hanesan nesesita atu kompleta rekejitu nudar sai kandidatu  iha Tribunál.

 “Ohin ami mai ofisializa rejitu ba kandidatu Mariano Assanami,  agora ami hein tribunál fó notifikasaun, se karik iha buat ruma ne’ebe sei prezisa”,  Dehan Porta voz ekipa susesu kandidatura Prezidenti Mariano Assanami ba jornalista sira iha Tibula Rekursus, Kaikoli, kuarta (02/02).

Antonio akresenta, Atu lori Mariano ba iha Prezidemti da Repúblila forsa politika ne’ebe Apoiu ba kandidatura Mariano Assanami Sabino Lopes ba iha elisaun prezidensiál ne’e hamutuk 10.567.

“Ho ofisialmente mai husi 13 munisípiu inklui Rejiaun Administrativa Espesiál Oe-Cusse Ambeno (RAEOA). apoiante ne’ebé ami iha konsege rekolla  hodi bele ohin ami mai submete iha Tribunál Rekursu”,  nia esplika.

Nia hatutan, PD nia lema mak ‘Ba o Timor Maubere Oan Prontu Atu Serbi’,  ida ne’e sei sai nafatin  espiritu hodi lori partidu ne’e ba oin, ho ida ne’e bainhira PD maka ukun sei la hein ema ruma atu apoiu.

PD nian lema  maka ami nia espiritu  atu bele lori ami nafatin ba oin,vami mós hanoin katak ami la hein atu simu prezente husi ema ruma bainhira atu ba kaer ukun, ukun ne’e tenke konkista ida, tanba ida ne’e maka partidu Demokrátiku nafatin lao ho nia moto ne’e, dehan nia.

Nia haktuir, Sertamente hanesan makina  ida ne’ebé rejista iha 20 anus, mais ke preparadu atu kompete iha elisaun prezidensiál  ne’ebé maka sei mai. Partidu Demokrátiku (PD) garantia sei manan iha elisaun prezidensiál.

“Rezultadu ne’ebe sei mai dezisaun povu ninia, mais hanesan makina ne’ebé ezistente ami iha auto komfiansa.

“Makina partidu ninia, maka sai makina prinsipál  maibé mós komfiansa ne’ebé mós iha ba povu  ba jerasaun foun,   ida ne’ebé maka entre kandidatu hotu-hotu mas ami iha kombitsaun katak kandidatu ami nian preparadu. Elisaun prezidensiál sei tama ba iha segunda volta, no PD iha kombitsaun manan”, Tenik nian. Ana