Cesarino Rekoñese Jestór Sentru Juventude Balu La Kreativu
Naunil Media (Díli), Diretór Diresaun Nasionál Kreatividade Juventude (DNKJ) Cesarino da Silva, rekuñese Jestór iha Sentru Juventude balu la iha kreativu.
“Iha provizorimente iha SEJD nia apoiu ba Sentru Juventude sira ne’e kada tinan iha orsamentu, iha fundu operasional ne’e atu reforsa institusional organizasaun, dala ruma problema Sentru balu agora ezistestensia iha dalaruma atividade ne’e mak menus tebes”, dehan Diretór Diresaun Nasionál Kreatividade Juventude (DNKJ) Cesarino da Silva liu husi ba Jornalista sira iha SEJD foin lalais ne’e.
Jestór balu iha Sentru Juventude ladun kreativu, lolos ne’e Jestór sira iha sentru mak tenke iha inisiativa atu kria atividade, labele dependensia liu ba atividae ne’ebé mak governu iha, nia sujere.
Nia hatete, Tuir lolos Jestor sira tenke kreativu identifika no halo negosiu ho NGO, nasionál no internasional seluk ne’ebé mak agora dadaun eziste hela iha ita nia rai.
“Ha’u fiar katak ba oin planu polítika ba apoiu sentru sira ne’e, tenke haree didi’ak politika ne’e rasik, SEJD iha ona estratejia para ema ne’ebé lidera iha Sentru Juventude labele mantem hela de’it, tenke halo kaderizasaun”, katak nia.
Iha joven ne’ebé mak ho idade 17 tok 35 ne’e sira mak barak liu iha Sentru, tanba sentru sira ne’e agora sira ne’ebé mak lidera ne’e balu idade katuas ona”, hakotu nia. Ana
