Kandidatu Rogério Rejistadu ho Proponente 6.410
Naunil Media (Díli), Porta voz ekipa susesu ba kandidatura Rogério Tiago Lobato, Mateus Mais de Jesus, Informa ohin mai rejistu kandidatura Rogério Tiago Lobato ba kandidatu Prezidenti Repúblika iha tribunal rekursu, ho proponente hamutuk 6.410, hodi kompete iha eleisaun prezidensiál ba periodu 2022/2027.
“ Ohin mai legaliza dokumentu ba kandidatu Rogério Tiago Lobato iha Tribunal Rekursuss ho apoiante besik rihun neen atus hat sanulu (6.410), kompozisaun mai husi munisípiu 13”, dehan Porta voz ekipa susesu ba kandidatura Rogério Tiago Lobato Mateus Mais de Jesus ba jornalista sira iha Tribunal Rekursus Kaikoli, kuarta (02/02).
Ekipa susesu ne’e ba kandidatura Lobato hatutan, Garante prontu atu kompete ho razaun hakarak fó kontribuisaun ikus ba kandidatura nia vida, ne’ebé luta ona ba rai ida ne’e.
“Ami nia prinsipiu tuir ami nia prezidenti hateten ami fiar sei garante estabilidade nasionál ba povu iha rai ida ne’e”, tenik Porta vós. Ana
