TR Verifika ona Dokumentus ba Kandidatura PR Hamutuk Na’in 11

Naunil Media (Díli), Prezidenti Tribunál Rekursu Deolindo dos Santos, Informa liu husi seksaun hala’o prosesu verifikasaun ba kandidatura Prezidenti Repúblika  iha periodu 2022 no 2027, hamutuk na’in 11

“ Ohin mos kandidatura balun mak mai aprezenta ona, tanba ne’e total hamutuk maizu menus 11 kandidatura mak mai aprezenta ona sira nia dokumentus atu nune’e Tribunál bele halo verifikasaun ba sira dokumentus, maibé husi kandidatura 11 ne’e ami halo verifikasaun iha ne’e tuir lei numeru 7/2016 hatete ne’e kompitensia husi supremeiu Tribunál Justisa nian”,  dehan, Prezidenti Tribunál Rekursu Deolindo dos Santos,  ba jornalista sira iha Tribunál Rekursu Kaikoli,  Kuarta (02/02).

Nia hatutan, hahu ohin  loron 2 Fevereiru hela de’it loron 2,  iha loron 4 rejistu ba kandidatura hotu ona iha tuku 5:00 loraik Otl.

Iha ne’e mós Tribunál apoiu ba STAE liu-liu ba kestaun balun ne’ebé lei fó dalan,  tanba tribunál rasik la iha kondisaun atu halo ida ne’e, entaun total kandidatura na’in  11 no na’in   7  Tribunál Rekursu haruka ba STAE,   maibé iha 4 mak STAE haruka fila fali mai Tribunál rekursu no na’in 3 mak sei iha STAE, nia dehan.

“ Ami lista ho dokumentus sira ne’e ba iha STAE para atu verifika serake sira nia proponte ne’e idade to’o duni ona atu sai proponent ka lae, no nia konklui nia tinan atu hili Prezidente ka lae, segundu atu verifika mos kandidatura sira ne’e respeitu kadak proponente iha Munisípiu to’o atus  ida (100),  ka lae’, nia esplika. Nia relata, Por ezemplu Kandidatura ne’e mai ho ema rihun 6 maibé iha rihun ne’e kompletu mais bele mos redus tiha balun ne’e.

Tanba saida balun bele tinan seidauk to’o no  balun bele mate ona mais konklui nafatin sira nia kartaun elitoral,  hodi junta hamutuk iha dokumentus ida ne’e mós dala ruma la konsidera, nia informa.

“Ne’ebé rekezitu admite sai kandidatu konkore eleisaun  no sira ne’ebé la admite, lei atribui iha direitu atu rekore ba tribunál koletivu juis iha prazu oras 48 nune’e koletivu juiz sei deside se iha rekursu”, tenik nia. Ana