Komunidade Uai-Mori iha Viqueque Konsumu Bee Mota
Naunil Media (Díli) Suku Uai-Mori postu administrativu Viqueque, Munisípiu Viqueque, Komunidade sira iha fatin refere susar tebes atu konsumu Bee-mos durante tinan barak ona uza de’it bee mota.
Tuir Xefe Suku Uai-Mori Francelino António Gomes, Hateten iha tinan 2016 Cruz Vermella Timor-Leste konsege Kanaliza ona bee-mos ba suku ona, maibé ho volume bee ne’ebé la sufisiente, no tempu bailoron naruk bee refere maran no wainhira udan bee ne’e mós sei merak ho nune’e difikulta Komunidade sira atu Konsumu bee-mos.
Nia afirma, Bee mos iha uai-mori iha ona kanalizasaun ne’e, husi CARITAS Baucau no Cruz Vermella sira mai halo kanaliza duni bee liga mai suku laran.
maibe la sufisiente ba suku laran wainhira bailoron naruk bee ne’e sempre maran no tempu udan bee ne’e merak hotu fali ho ida ne’e.
“Komunidade susar tebes ba bee-mos baibain sira kuru liu mak bee mota de’it”, Dehan Xefe Suku Uai-Mori Francelino António Gomes Via Telefone ba Jornalista, tersa (02/02).
Autoridade lokal hatutan, Ami beibeik ona hato’o ba governu maibé seidauk hetan resposta ruma, maibé nafatin esforsu hodi bele komunidade hirak ne’e bele aseseu ba bee- mos.
“Ami hato’o beibeik ona liu husi proposta no visitasaun husi membru governu ruma iha suku ami sempre hato’o beibeik,
Maibé laiha resposta serteza ida mai fali ami, hanesan autoridade lokál nafatin esforsu aan liu husi halo proposta hodi hato’o ba Ministeiru relevante’, katak nia.
Cruz Vermella Timor-Leste servisu hamutuk ho Komunidade Uai-Mori konsege halo kanalizasaun Bee mos husi are Kaidudu hodi fornese bee ba suku laran no tanki hirak ne’ebe estabelese ona, maibé to’o oras ne’e la funsiona tamba bee maran no bee refere ho volume ne’ebé kiik nune’e la sufisiente ba Komunidade sira hotu, nia haktuir.
Iha suku Uai-Mori total Uma kain hamutuk 514,membru família hamutuk 2329,Mane 1188 no Feto 1141.
Governu liu husi Programa Nasional Dezenvolmentu Suku (PNDS) preve ona orsamentu ba suku Uai-Mori nune’e iha tempu barak autoridade lokal sei halo audensia hodi hetan klarifikasaun, kona-bá orsamentu hirak husi parte relevante nune’e hodi halo kanalizasaun ba bee-mos tuir Planu ne’ebé iha sei identifika bee Matan iha área Bualubu hodi kanaliza, nia dehan. Ana
