PNTL Lautem Preparadu Asegura Kampanha Eleisaun Prezidensial

Naunil Media (Dili), Loron Eleisaun Prezidensial ne’ebe sei monu iha (19/03/2022), Hafoin dekreta hosi Aktual Prezidente da Republika (PR), Francisco Guterres Lu-Olo.

PR dekreta loron Eleisaun Prezidensial ne’ebe sei realiza iha loron (19/03/2022), Komandu Polisia Nasional Timor-Leste (PNTL), Munisipiu Lautem hahu halo kedas preparasaun hodi asegura seguransa iha kampanha eleisaun prezidensial iha Lautem.

Komadante Komandu PNTL, Munisipiu Lautem, Supertedente Polisia Antonio Rego Fernandes, Hateten, Preparasaun ne’ebe membru PNTL durante ne’e halo mak treinu, Mentalidade, Fiziku no tekniku.

” Membru PNTL Lautem dadaun ne’e hamutuk 149 mak prepara hela treinu, Mentalidade, Fiziku, Tekniku nian oinsa atu bele halo atuasaun hodi garante seguransa iha kampanha Eleisaun Prezidensial iha Teritoriu Munisipiu Lautem,” Dehan Komadante PNTL Munisipiu Lautem, Supertedente Polisia, Antonio Rego ba Buinis Timor, iha nia servisu fatin, kinta, (20/01).

Membru PNTL hamutuk 149 garante sei asegura estabilidade kampanha Eleisaun Prezidensial iha Munisipiu.

Komadante ne’e hatutan, Rekursu Membru PNTL Lautem hamutuk 149 ne’e preparadu hodi aloka ba  kada eskuadra sira iha Munisipiu Lautem atu hala’o seguransa ba  kampana no Eleisaun Prezidensial.

Komadante ne’e apela Ba komunidade sira iha teritoriu Munisipiu  Lautem, atu kria nafatin paz no estabilidade hodi partisipa iha festa demokrasia Eleisaun Prezidensial ne’ebe sei monu iha loron (19/03/2022).

Komandu PNTL Munisipiu Lautem prontu asegura nafatin seguransa iha situasaun saida de’it atu sidadaun hot-hotu bele seguru hala’o sira nia aktividade, Li-liu iha Eleisaun Prezidensial.

Munisipiu Lautem, Iha Postu Administrativu Lima (5) kompostu hosi: Lospalos, Lautem, Iliomar, Luru no Tutuala. #Ze