PNTL Munisípiu Lautém Seidauk Rejista Kazu Krime Iha EE

Fahe Tutan

Naunil Media (Lautém),  Komadante PNTL Munisípiu Lautém, Superintendente Asistente Cebestião Alves Qintão, informa iha Munisípiu Lautém seidauk rejista kazu krime ruma durante  implementasaun estadu emerjénsia (EE).

Superintendente Asistente Cebestião Alves Qintão, ba Naunil Media iha Komandu PNTL Munisípiu Lautém, Kinta (13/05).

“Iha Munisípiu Lautém, durante iha  estadu emerjénsia iha primeira faze  até agora komandu munisípiu Lautém seidauk rejista kazu ruma. Ita haree iha Lautém hosi inísiu kuandu dekreta  ema hotu hakmatek komunidade sira  kolabora hakarak   hakmatek  no trankuilidade hodi kontribui ba Paz ho estabilidade”, Komadante informa Superintendente Asistente Cebestião Alves Qintão.

Cebestião Alves Qintão, informa PNTL Munisípiu Laútem halo operasaun eskluziva, liu-liu haree ba komunidade sira labele halibur malu iha fatin-fatin no  PNTL hanorin komunidade sira oinsa bele kompreinde, kumpri regra Estadu emerjénsia.

“Komandu PNTL Lautém hapara merkadu tradisionál atu minimiza tiha movimentu ka distansiá sosiál ema nian, atu kumpri regra sira hosi Estadu emerjénsia”, tenik Nia.

Ikus liu, Nia dehan, “maibé la hapara atividade komunit’aria sira hanesan  movimentu  transporte sira kontinua  tula sasan ba nesesidade báziku nian. Nune’e mos negósiante sira maihosi Munisípiu  Baucau, sira tenke kompri   distansia sosiál”. Latu

Leave a Reply

Your email address will not be published.