Inundasaun Estraga Natar Hektares 300 iha Manatuto, Husu MAP Nia-Tulun
Naunil Media (Manatutu), Relasiona ho akontesimentu inundasaun ne’ebé akontese iha loron 04 fulan Abril, ne’ebé estragus populasaun barak nia uma ka inklui toos no natar iha teritoriu Timor-Leste (TL), Tan ne’e Komunidade suku Kairui, postru administrativu Laleia, Munisípiu Manatuto, husu tolun ba Ministeru Agrikultura Peska (MAP-sigka portugues), atu hadia fali sira nia natar ne’ebé estragus husi inundasaun ho hektares 300.
Tuir Komunidade João Susu Ximenes husi aldeia Corhoco suku Kairui hateten, Husi inundasaun ne’ebé akontese iha loron 04/04 liu ba estraga hotu sira nia hare no natar tan ne’e husu MAP ajuda hodi bele halo normaliza fila fali bee ba natar.
“Ami Komunidade preokupa tebes dezastre naturál ne’ebé akontese iha loron 04/04 liu ba inundasaun estraga hotu natar hare tun hotu estadu ne’e halo nia providensia ba iha dezastre naturál ne’e” Dehan komunidade ba Naunil Media iha aldeia Corhoco, suku Kairui, munisípiu Manatuto, postu Laleia, Sabadu (29/05).
Iha fatin hanesan xefí seku Kairui Roberto Ximenes, Hateten husi inundasaun ne’ebé akontese iha fulan liu ba estraga Komunidade toos no natar ne’ebé mak hare iha ona natar laran.
“Husi inundasaun ne’ebé akontese iha loron 04/04 liu ba akontese mós iha suku Kairui, estraga irigasaun, estraga fasilidade bee mós, toos no natar, no mós uma Komunidade, komudade balun iha problema tanba sira nia hare iha tiha natar laran bee dalan laiha ” Dehan xefí suku Kairui Roberto Ximenes.
Nia mós husu ba ekipa MAP iha tempu badak atu ba hadia lalais bee dalan /irigasaun.
“Liliu mak presiza bee dalan/irigasaun no mós husu iha temporariamente husu ekipa institute jestaun ekipamentus (IGE) atu mosu iha ne’e atu tulun komunidade sira hodi normaliza bee ba komunidade sira nia natar tanba hare balun kuda ona no balun komesa atu halai, maibé bee la iha ida ne’e mak lider komunitariu sejere” Nia salenta
Ikus liu, nia dehan labele depende liu ba programa sesta bázika, xefí suku ne’e mós fó ezemplu katak kumunidade hakarak han ikan la bele fó ikan, maibé tenke fó kail ba nia atu nia buka rasik, hanesan mós agrikultura irigasaun la di’ak husu foos labele fó foos, maibé fó ensada hodi hadia sira nia irigasaun nune’e bele buka rasik foos atu han. Aby
