KM Aprova Ona Programa UKL+
Naunil Média (Díli), Governu Konstituisionál Da-Walu, ne’ebé lidera hosi Primeiru Ministru (PM), Taur Matan Ruak, Liu hosi reuniaun Konselhu Ministru (KM) aprova ona projetu dekretu lei kona-ba Uma Kbi’it Laek (UKL+), Ne’ebé aprezenta hosi Ministeriu Administrasaun Estatal (MAE).
“ Projetu dekretu lei ne’e hetan ona aprovasaun iha sorumutuk KM, iha loron segunda, (06/05/2022), Maibé tanba alterasaun balun mosu iha faze redasaun final, Tenke sumbete fali ba KM atu aprova,” Dehan Ministru Prezidénsia Konsellu Ministru, Fidelis Manuél Leite Magalhães , ba jornalista sira, hafoin iha reuniaun KM Estraordináriu iha, Palásiu Governu, segunda (9/05).
Nia hateten, Dekretu lei ne’e m’os estabelese rejime espesiál aprovizionamentu ne’ebé hare’e liu ba ezekusaun medidad UKL+.
“ Tanba ho rejime foun ida ne’e ba oin sei prevee opsaun rua, opsaun ida maka atribuisaun subvensaun liu hosi estrutura, Promgrama Nasionál Dezenvolvimentu Sosiedade (PNDS), no ida seluk ho posibilidade atu halo aprovizionamentu sentralizadu, hodi bele hetan ekonomia eskala no poupansa ba rekursu ekonómiku,” Haktuir Fidelis.
Membru Governu ne’e akresenta, Programa ne’e objetivu hadi’ak kondisaun estabilidade hodi uma ne’ebé sai permanente ba uma kain sira ne’ebé vuneravél liu.
“ Uma-kain ne’ebé vulneravel liu, iha kontestu ezekusaun programa UKL+, maka sira ne’ebé nia rendimentu médiu lor-loron la liu dolar amerikanu 1, 25, inklui sira ne’ebé nia uma ne’e a’at hela.” Tenik nai.
Fidelis esplika, Uma-kain ne’ebé vulneravel liu, bele benefisia tuir modalidade apoiu sira hanesan, Apoiu finanseiru ba obra benefisiasaun, konservasaun ka reparasaun hosi nia hela fatin to’o valór máximu dolar $ 13000 mill.
Inklui apoiu mós materiál sira konstrusaun nian ba substituisaun materiál sira kobertura no revestimentu hosi nia hela fatin, to’o valór másimu dolar us $ 4000 mill.Ana
