FEATUREDGeralIkus LiuNews

CSS Iha Lautém Hahú Rejista Motorista Sira Ba Direítu Subsídiu Exraordináriu

Fahe Tutan

Naunil Media (Lautém), Diretor Servisu Solidaridade Sosiál Munisipiu Lautém, Paulo da Silva Pinto, informa Centro Solidariedade Sociál (CSS) hahú rejista motorist sira atu bele hetan direítu subsídiu iha estadu emerjénsia (EE).

“Subsídiu ba motorista sira ne’e tuir dekretu lei númeru  16/2020, 30 Abríl medida apoiu ba traballadór iha ambítu pandemia COVID-19, hosi  diploma ministeriál númeru  17/2020, 05 de Maiu 2020 iha prosedimentu inskrisaun extra-órdináriu  ba rezime kontribuitivu seguransa sosial.  Tan ne’e obriga kondutór hotu iha Timor-Leste (TL) rejista hodi hetan direítu ne’e”

Diretor Servisu Solidaridade Sosiál Munisipiu Lautém, Paulo da Silva Pinto, hateten iha loron 12/05 ne’e, Centro Solidariedade Sociál Munisípiu Lautem, fó sai ona rejistrasaun ba motorista transporte públiku sira, iha munisípiu Lautém, maibe sira ne’ebé la tuir rekizitu sei la iha direítu atu hetan subsídiu.

“Inskrisaun ne’e lataka dalan mos ba kondutór estranjeiru sira ne’ebé lori transporte públiku sirkula iha munisípiu Lautém, bele mai rejista ho sira nia dokumentu  pasaporte ho dukumentu komprovativu sira seluk. Dadus  sira ne’e sei rekolla hahú Tersa ne’e sei ramata iha fim Maiu ne’e, maibé sentru solidaridade sosiál rasik seidauk hatene klaru orsamentu hira mak kondutór sira sei hetan. Hanesan  ajente estadu sira kompri de’it orientasaun hodi submete dadus ba nasionál”, hateten Diretór CSS munisipiu Lautém, Paulo da Silva Pinto, ba Naunil Media iha adiministrasaun munisípiu Lautém, Segunda (11/05).   

Nia esplika, kondutór sira ne’ebé  rejista ona depois  simu subsídiu, selu ona ba seguransa sosiál  atu asegura sira (kondutór) nia moris ba futuru nian.

“Munisípiu Lautém hahú  Tersa ne’e, ami halo inskrisaun, ami mós husu ba PNTL sira atu fó toleransia ba kondutór sira hosi postu administrativu mai iha munisipiu hodi halo inskrisaun ba direitu subsídiu”. dehan Paulo. Latu

Leave a Reply

Your email address will not be published. Required fields are marked *