Aviaun To’o,Seguransa Aeroportu Internasional NL La autoriza Jornalista Kobertura
Naunil Media (Dili),Sesta 26/03/2021/. Aviaun airnorth rua ho marka TL903, inklui ida seluk marka TL904, husi Australia Norte, Darwin To’o Iha Airoportu Internasionál Prezidente Nicolau Lobato Comoro maisoumenus tuku 12:40.
Kona-ba aviaun rua ne’e lori saida, jornalista sira lahetan informasaun ho loloos tanba husi Seguransa polisia Nasionál Timor-Leste (PNTL) no Unidade Batallaun Ordem Públiku (BOP) la autoriza jornalista sira hodi halo kobertura.
Maske nune’e jornalista sira husi media privadu tantu públiku koko halo komfirmasaun. Maibé parte responavel ba asuntu ne’e la iha fatin.
Hafoin aviaun tuun, tuir observasaun husi jornalista observa, husi parte saúde halo kedan desinfeta ba sasan hirak ne’ebé hafalun aan hela. Hafoin halo desinfeta Karreta rua husi BCTL ho xapa matrikula 15186 TL, ida seluk xapa matrikula A.35189-TL, tama ba hodi tula sasan hirak ne’e.
Hafoin tula kareta BNCTL rua ne’e akompañia husi karreta seguransa unidade BOP, to’o iha Banku Sentral, Akait. to’o iha Akait kareta BCTL rua tama ba fatin edifisu. seguransa direita taka portaun.
Liga ho aviaun rua ne’e mai TL , jornlista koko halo komfirmasaun Ho Ministeriu Transporte komunikasaun, Jose Agustinho da silva, informa sira nia parte halo duni aprovasaun ba voo hosi autoridade Aviaun sivil Timor-Leste (AACTL,sigla portugés), ne’ebé tama iha ninia gabinete, kona-ba Aviaun rua ne’e tuir destinasaun husi Darwin Mai Díli, lori “kargu”. deklara ministru ne’e liu husi Via telfoni.
Maske ministeriu ne’e halo deklarasaun ne’e, maibe nia la informa loloos kona-ba kargu ne’e.Pau
