SEKOMS Halo Kampaña Virtual Ba Kombate HOAX, Promove Internet Saudavel

Naunil Media (Dili), Oitavú Governu Konstítuisional, liu husi Sekretariu Estdadu Ba Komunikasaun Sosial (SECOMS Sigla Portugés), Mericio Juvinal Dos Reis ‘Akara’ Halo kampaña virtual Ba Konbate Hoax, no promove internet saudavel ba públiku hodi fó sai informasaun kredivel.

Memebru governu ne’e deklara objetivu prinsipal hosi kampaña Virtual ne’e, hanesan parte ida, hodi minimiza informasaun Falsu sira iha media sosial.Tanba husi informasaun falsu hirak ne’e nia-efeitu ladi’ak ba populasaun nomos nasaun.

“Lia falsu sai inimigu ba nasaun tanba ne’e guvernu lakohi husik nia populasaun sai vitima ba lia bosok HOAX. Ne’e duni governu inisia kampaña nasionál ida ne’e hakarak halibur ema hotu hodi fó hanoin ba ema hotu katak tempu ona ita konsidera HOAX lia bosok sai inimigu ne’e ba ita hotu atu ita hamutuk hodi konbate, ita hamutuk fila fali hodi hato’o fali lia los informasaun ne’ebé mak los no kredivel ba ita nia populasaun tomak eduka ita nia populasaun ho informasaun ne’ebé mak los”, İnforma SECOMS ba jornalista sira hafoin partisipa iha Programa Kafe Dader ne’ebé realiza husi RTTL EP iha muzeum da reszisténsia, Dili sesta (26/03).

Akara hatutan bainhira lansa beibeik informasaun falsu sei halakon komfiansa sosiedade nian ba iha governu iha nomos bele habosok malu iha situasaun difisil ruma.

“Husik livre beibeik lia bosok HOAX ne’e sei halo estraga populasaun no sei estraga Nasaun nia dezenvolvimentu nomós sei estraga ka viola direitus prinsipál povu nian ne’ebé mak hatete katak povu iha direitu fundamental atu asesu informasaun los no kredivel, dehan SEKOMS Mericio Juvina dos Reis “Akara’.

Nia deklara Prespektiva ka politíka guvernu nian bazeia ba Konstituisaun Repúblika Demokrátika Timor- Leste (RDTL) liuliu liga ho artigu 40 no 41 ne’ebé ko’alia kona-bá liberdade espresaun no asesu informasaun liberdade imprensa inklui lei komunikasaun sosial, deklarasaun universal direitus humanus ne’ebé koalia kona-bá direitu asesu informasaun.

“Iha individu ka grupu, hakarak fahe lia falsu lia bosok ho intensaun atu manipula ema nia hanoin ba nia interese pesoal la’ós ba interese komún, no hakarak manipula ema nia opiniaun ba nia interese pesoal i hakarak foti ka Aproveita situasaun ba nia interese polítika dalaruma interese komún nian ne’e labele”.

Iha biban ne’e membru governu ne’e husu ba entidade hotu-hotu atu kuidadu ho HOAX. Tanba halo lafiar malu ataka malu fali hanesan ita bele hamosu fali konflitu foun.

“Invezde ita hamutuk konbate HOAX no konbate Covid-19 dala ruma ita ho ita mak konbate malu fali, enerjia atu konbate Covid-19 ne’e lakon tiha tanba ne’e mak guvernu identifika katak la’ós pandemia Covid-19 de’it mas informasaun HOAX lia falsu ne’e mós hanesan pandemia ida, ne’ebé mós bele estraga ita nia Nasaun tanba ne’e mak ita nia Guvernu foti kedas atensaun hodi mobiliza ita hotu konbate HOAX”, Hakotu nia.jos