Arão Husu MI Kontrola Kilat Elegal
Naunil Media (Dili), Eis-Prezidente Parlamentu Nacional, Arão Noe husu ba Ministériu Interior tenke kontrola kilat ilegal (senapan) mak hamate komunidade sira-nian animal, tanba dala barak kasa no tiru mate komunidade sira-nian animal.
Atual Deputadu bankada CNRT, Arão Noe, afirma Ministerio Interior, tanba tenki kontrola kilat elegais.
“Akontesementu hirak ne’ebé biasa ema uja kilat ilegal hodi hamate komunidade sira-nia animal dala barak akontese iha suku Fatuberliu ho Alas, postu administrativu Same, munisípiu Manufahi”, Dehan Deputadu bankada CNRT, liu husi intervensaun polítika plenaria iha Parlamentu Nasional, Segunda (26/10).
Deputadu bankda CNRT ne’e haktuir, informasaun ne’e hetan husi komunidade sira mak sente sai vítima, nune’e sira mos inform aba PNTL eskuadra munisipiu.
“Ha’u hanoin ho aktus hirak ne’e sei sirkula hela iha nasional hodi tiru mate animal povu nian. Ha’u husu ba Ministériu Interior (MI) atu konrola ba kilat hirak mak sei sirkula ilegal hela”, afirma deputadu ne’e.
Nia husu ba Ministériu Interior atu bele kontinua hodi investiga prosessu nune’e bele kaptura ema sira hala’o aktividade kasa ba animal maus.
“Ha’u hanoin ho situasaun sira ne’e mak ita nia governu deskontroladu, kona-ba sirkulasaun kilat ilegal, tan ne’e sujere ba Governu ida ne’e bele tau importansia”. Nel/Emj16
