LFTL 2022 – 2023 : Orgaun Liga Rejista Klube 8 Primeiru no Segundu Divizaun
Naunil Media (Díli), Orgaun Liga Futebol Timor-Leste (LFTL) simu ona klube 8 husi primeiru divizaun no segundu divizaun ba liga Timorense epoka 2022-2023 ne’ebe sei akontese iha loron 17 fulan fevereiru tinan ne’e.
“Klube sira ne’ebe mak ami simu no rejistu ona iha LFTL hamutuk ualu husi primeiru divizaun nian hamutuk haat Mak, Coração/Atletico Ultratramar, AS Ponta Leste, Asalam FC no Karketu FC ho segundu divizaun nian haat Mak DIT FC ,Lica Lica Lemorai FC, Fitun Estudante FC no Kablake FC”, Asistente Verifikasaun Lisensamentu LFTL, Felisberto de Jesus ba jornalista sira iha Estadium Munisipal Dili, Tersa (24/01/2023).
Felisberto hatutan, klube sira ne’ebe mak seidauk rezistu ne’e maioria mak mai foti ona formulariu iha LFTL, sira kontaktu ona tempu badak sira sei mai rejistu iha ne’e, tuir kriteria ba divizaun dahuluk rejistu jogador nain- 27 no divizaun daruak sei rejistu jogador nain- 30.
Antes ne’e iha loron 12 fulan fevereiru 2023 diretor Relasaun publika LFTL Diego Neto Fraga hatete, kick off Liga Timorense epoka 2022-2023 iha loron 17 fulan fevereiru 2023 remata iha loron 30 fulan abril 2023 ne’ebe janela transferensia ba klube sira hahu iha loron 12 fulan janeiru to’o loron 11 fulan fevereiru 2023 tanba klube divizaun dahuluk no daruak aseita hotu ona.
“Ita nia jogu kick off iha loron 17 fulan fevereiru 2023 no sei remata iha loron 30 fulan abril selae inisiu fulan maiu ne’eba ami reafirma fali rejistrasaun ba klube liuliu loke janela transferensia hahu husi loron 12 fulan janeiru 2023 to’o loron fulan 11 fevereiru 2023 tanba klube sira husi divizaun dahuluk no daruak Liga Timorense epoka 2022-2023 aseita hotu ona”, tenik Diego.
Enkuantu FFTL ho orgaun LFTL enkontru no kopera malu ona hodi forma orgaun regulador Sira atu jere Liga Timorense epoka 2022-2023 tanba orgaun LFTL nia prezidente interinu daudaun ne’e la iha kompetensia atu jere liga ne’e rasik. Aba
