Deputada Fernanda Husu MSSI Selu Subsídiu $100 ba Reklamante Sira
Naunil Media (Díli), Bankada oposisaun CNRT, Deputada Fernanda Lay husu ba Ministériu Solidariedade Sosial no Inkluzaun atu selu lalais subsídiu $100 ba reklamante sira.
“Iha media nasionál balun, hateten kansela pagamentu subsídiu ba reklamante 2909, tanba fen rua, ha’u hakfodak ema fen rua de’it ka hotu hotu fen rua”, Deputada Fernanda Lay, deklara liu husi intervensaun iha plenária Parlamentu Nasionál, Segunda (26/10).
Fernanda esplika, ne’e diretór jéral ministeiru solidariedade sosiál mak koalia, nune’e mak hamosu preokupasaun, orsamentu aprova ona maibe tanba saida mak Governu seidauk halo pagamentu ba reklamante sira.
“Kasian, parlamentu aprova ona orsamentu husi fulan Abril dada to’o Juñu, to’o agora kansela tan-tiha $100, devia selu iha fulan Juñu, mosu tan sesta bázika”, Tenik Deputada Fernanda Lay.
Ikus liu Nia husu ba guvernu da ualu atu esplika asuntu ne’e. Lop
