Reitór UNITAL Florindo : Harii Unversidade Ba Ema Hotu
Naunil Media (Díli), Reitór Universidade Oriental Timor-Lorisae (UNITAL), Florindo Pereira, informa harii UNITAL iha Timor no ba Timor oan hotu hodi asesu ba eduksaun iha nível superior.
Reitór Florindo Pereira, ba jornalista sira, iha aniversariu universidade ba dala-18, Bekora, Segunda (26/10).
“Harii universidade la’ós ba ema oituan de’it, maibé ba UNITAL oferese ba ema hotu-hotu nian, tamba ne’e ami mós konvida ensinu sekundaria sira hotu ne’ebé mak iha Díli partisipa iha selebrasaun UNITAL”, dehan reitór Florindo.
Florindo hatutan, aniversariu UNITAL kria atividade oi-oin hanesan, futebol salaun voleibol feto no mane, poezia, dansa kultura traditisional no feira.
“Ami halo festa aniversáriu ne’e, ami konvida sekundariu sira hotu mai hamutuk ho UNITAL”, Tenik Florindo.
Prezidente Kominsaun Organizadora Eugenio Lopes Aravey, informa realiza mos espozisaun no feira.
“Objetivu atu promove universidade ba estudante sekundariu sira ne’ebé atu finaliza sira-nia estudu iha tinan 2020, karik iha posibilidade hakarak mai eskola iha UNITAL”, esplika Nia
Total orsamentu ba atividade hamutuk $ 4000.00. Atividade ne’e hetan partisipa husi dosente UNITAL no estudante eskola sekundariu sira hanesan, 12 De Novembru, 10 De Dezembru, 28 de Novembru, SACROJES Bekora. Fet
