Alarico: Trabailladór Samauel Nia Mate Lori triste bo’ot ba Família

Naunil Media (Díli), Sekretáriu Estadu Formasaun Profisionál no Empregu (SEFOPE sigla portugés), Alarico do Rosario , Hateten  Trabaillador timoroan Samuel Sebastião Noroinha Soares  nia mate, lori triste bo’ot ba SEFOPE no familia tomak  lakon oan di’ak ida husi família.

“Ha’u lori Governu nia naran triste tebe tebes bainhira ami nia future diak ida, ami nian joven diak ida,  ita nia oan diak ida husik hela ita hotu  familia bo’ot SEFOPE”, hateten Alarico do Rojario iha seremonia entrega mate isin ba Familia iha Aeroportu Nicolau Internasionál Nicolau  Lobotao, tersa (20/07).

Nune’e governante ne’e mós husu desklupa ba família matebian samule Sebastiao Norenonha Soares karik SEFOPE iha lia fuan naksalak ba prosesu mate isin fila husi Korea mai Timor-Leste.

“Ida ne’e maka ami nia kbi’it hodi tulun ho joven sira  prosesu ida ba no ida mai, ohin loron ami entrega ita nia alin Samuel Sebastão Noroinha Soares ba família sira, ita bo’ot sira halot tuir kultura ba, buat hotu hotu ita entrga ba Nain Maromak. Maibé ida ne’e ita haree ikus, ita haree uluk maka ita halot tiha ita nia alin ho didi’ak família husu pasensia”, Dehan Alarico do Rosario.

Nia haktuir, prosesu  investigasaun kronoljia, relatoriu ba matebian nia mate entrega ba Governu Korea maka sei apresenta mai fali iha Timor-Leste.

Iha fatin hanesan, Aman husi Familia matebian Samuel Sebastian Noroinha Soares,  Celestino Soares hateten, agradesimentu barak ba Governu Timor-Leste liu SEFOPE bele lori nia oan nia mate isin fila ba Timor-Leste.

“Hato’o agradese wain Governu ninian esforsu Embaixada Timor-Leste iha Korea no mós Embaixada Korea iha Timor-Leste no ita nia adidu iha Korea ninian esforsu tomak, trata ha’u nia oan nia isin mate ho tempu badak to’o iha Timor. ha’u hodi familia tomak  nia naran hato’o agradese ba Governu”, Tenik nia.

Aman husi matebian Trabaillador Samul fó agradese ba Governu Korea ba prosesu invetigasaun no autopsia ba nia oan nia mate.

“Agradese ba Governu Korea ne’ebé halo investigasaun kona ba ha’u nia oan nia isin mate, ninian kronolojia ami seidauk hatene katak halo nusa loos, ami seidauk hatene nia rezultadu to’o agora,  maibé ami sei hein ami agrade ami laran metin justisa ne’ebé loos, ba lia nain ne’ebé investiga no Doutor ne’ebé halo autopsia ba ha’u nia oan”, Dehan  Nia.

Entertantu Matebian Sebastião Noroinha Soares  nu’udar traballadór timoroan ne’ebé servisu iha Korea do suúl desde tinan 2015 ne’ebé mak mate liu husi dalan tara a’an iha 27 juñu iha Korea do Súl fulan kotuk.

Matebian Samuel Sebastião Norenha Soares, Moris iha Lete-Foho munisípiu Ermera iha loron 27 setembru 1993. matebian oan ba dala tolu husi maun alin nain neen.

Mate isin Samuel Sebastiã Noroinha Soares to’o iha Aeroportu Nicolau Lobato iha tuku 12:40 ho aviaun Cetilink  entrega husi SEFOPE no simu direita husi família matebian. Ipe