Nova Zelandia Apoia Kareta Haat ba PNTL
Naunil Media (Díli), Governu Nova Zelandia apoia Kareta haat (4) ba Polísia Nasionál Timor-Leste (PNTL) hodi fasilita servisu iha Timor-Leste (TL).
Porta voz PNTL Superintendente Xefe, Arnaldo de Araújo, hateten Governu Nova Zelandia liu husi embaixada Nova Zelandia iha Timor-Leste ne’ebé apoiu kareta 4 ba PNTL atu fasilita servisu loron-loron.
“Liu husi apoiu ida ne’e, ami PNTL sente orgullu tebe-tebes tanba bele fasilita ona ami atu hala’o servisu ho di’ak liután ba iha futuru. Nune’e mós bele atínji programa no atividade sira iha Munisípiu”. Porta voz Superintendente Xefe, Arnaldo de Araújo ba jornalista sira liu husi komunikadu imprensa, iha Quartel Jerál PNTL, Kaikoli, Kinta (01/10).
Iha okajiaun ne’e Asistente Superintente Helana das Dorres hatutan, apoia husi Polisia Nova Zelandia ba iha momentu Covid-19, maibé progrma ne’e embaixadór Nova Zelandia Philip Hewitt hapara no foti dezisaun entrega fali ekipamentu ne’e apoia ba iha departmentu Polísia komunitaria.
Helana informa, departamentu polísia komunitaria mak oinsa atu servisu hamutuk ho polisiamentu iha Munisipiu sira liu-liu ba iha OPS nian progrma sira.
“Ami mós sei fahe transporte hirak ne’e ba munisípiu sira ne’ebé mak indetifika. Atu bele apoiu sira iha ne’eba. Husi ekipamentu sira ne’e, ne’ebé mak bele apoiu ami nia relatóriu sira ne’e la’o ho di’ak. Ami agradese ba embaixadór Nova Zelandia ohin bele entrega direitamente mai iha komandu Jeral PNTL”. Asistente Superintente Helena hato’o.
Husi apoia ne’e nia dehan,“Ita sei hein desizaun husi komandu Jeral tanba ida ne’e kompetensia husi komandu Jeral atu indentifika munisípiu ida ne’ebé mak atu apoiu tan transporte ba”.
Entretantu apoiu ne’ebé governu Nova Zelandia liuhusi Embaixadór Nove Zelandia ba Polisiamentu Komunitária mak hanesan transporte kareta marka Hilux 3, Fortuner 1 no edifisiu ida inklui ekipamentus sira seluk.Flo