EBC Sergio Viera de Melo Seidauk Reativa Aktividade Aprendijazen

Fahe Tutan

Naunil Media (Díli), Adjuntu Diretór Ensinu Bázika Sentral (EBC-Sigla Português) Sergio Viera de Melho, Afonco Soares, informa iha eskola refere seidauk hahu hikas aktividade aprendijazen, tanba seidauk simu despaixu ofisiál husi Ministériu Edukasaun Juventude no Desportu (MEJD).

“Ami hein despaixu husi Ministeriu Edukasaun, katak bele la’o ona mak ami la’o prosessu aprendijazen. Ami foin mak haruka estudante sira tama hodi preparasaun hanesan hamoos sala laran”, Adjuntu Diretór EBC, Sergio Viera de Melho, Afonco Soares, ba jornalista Naunil Media iha nia kna’ar fatin, Bekora, Kuarta (01/07).   

Alein de hein despaixu legál husi MEJD, Adjuntu Diretór EBC, Sergio Viera de Melho, Afonco Soares, mos prfeokupa kona-ba bee ba estudante sira atu fase liman núdar meius prevensaun COVID-19.

“Ami nia bee mos laiha, ami prepara tiha ona hanesan serigen no masa hodi uza, maibe bee mak laiha. Ami sei hein despaixu legál atu reativa prosesu aprendijazen”, preokupa Adjuntu Diretór EBC Sergio Viera de Melho, Afonco Soares.

Ikus-liu, Adjuntu Diretór EBC Sergio Viera de Melho, Afonco Soares, preokupa mos moru eskola ne’ebe hetan estragu impaktu indudasaun iha fulan hirak liu-ba.

“Ami sei halo hela  kontribuisaun husi inan-aman sira ajuda kada ema ida  U$10.00 atu hadi’ak moru ne’e hetan estragu tanba inundasaun”, dehan Nia.

Estudante sira iha eskola refere hamutuk nain-1469. Total professor 54 kompostu husi kontratadu nain-4, adiministrasaun ho sekuriti nain-2 nune’e hamutuk-60. Fet

Leave a Reply

Your email address will not be published.