MEJD Fó Férias Extraordináriu Ba Estudante Sira, Lautém Kompri Despaixu
Naunil Media (Lautém), Diretór Edukasaun Munisipiu Lautém, Apolinário Serpa Rosa, hateten relasiona ho despaixu governu konstitusionál Da-Ualu liuhosi Ministériu Edukasaun Juventude no Desportu (MEJD) anunsia katak fó férias extraordináriu ba estudante sira iha teritóriu timor laran tomak hahu hosi 23 to’o 28 fulan Marsu, atu prevene pandemia moras corona virus (COVID-19), tanba ne’e edukasaun munisipiu Lautém mos kompri no apela ona ba eskola sira hosi pre-eskolar to’o sekundária.
Diretór Edukasaun Munisipiu Lautém, Apolinário Serpa Rosa, ba jornalista Naunil Media iha nia kna’ar fatin vila Lospalos, Segunda (23/03).
“Relativamente informasaun hosi media massa, televizaun, radio no media online, Ministra Edukasaun Dulce de Jesus Soares hato’o ona katak fó férias extraordináriu hahu hosi dia 23 to’o 28 fulan ne’e, ba estudante sira iha teritóriu timor laran tomak atu evita corona virus labele da’et. Edukasaun Munisipiu Lautém mos kompri hodi fó ferias ba estudante sira komesa hosi pre-eskolar to’o ensinu sekundária”, haktuir Apolinário Serpa Rosa.
Diretór edukasaun munisipiu Lautém, Apolinário mos husu ba estudante sira férias iha uma, aleinde evita pandemia corona virus (COVID-19) atu labele da’et, aproveita mos estuda did’ak tanba ezame primeiru trimester mos besik ona.
Iha fatin ne’ebe lahanesan, Diretór Eskola Sekundária Jerál Lere Anan Timur, Reinaldo Juvinal da Costa, hateten hosi sira nian parte kompri ona despaixu governu nian hodi hahu fó ona férias ba nia estudante sira.
“Ami hahu fó ona férias ba estudante sira, maibe husu ba estudante sira atu hakmatek iha idak-idak nia uma hodi evita virus ne’e no aproveita estuda”, afirma diretór eskola ne’e.
Tuir observasaun jornalista Naunil Media iha terenu nota katak, orfonatu Dom Bosco Lospalos, hahu Domingo (22/03) fó ona férias ba estudante sira fila ba idak-idak nia hela fatin hodi prevene pandemia moras corona virus (COVID-19). Lat
