Konsidera La Pertinente, KHUNTO Sei Vota Kontra Proposta Altersaun Lei OJF

Fahe Tutan

Naunil Media (Díli), Xefe Bankada Parlamentár Kmanek Haburas Unidade Nasionál Timor Oan (KHUNTO), António Nobre Tilman, deklara KHUNTO sei vota kontra proposta alterasaun lei Orsamentu Jestaun Finanseira (OJF) tanba konsidera lei refere la pertinente no la’ós urjénsia.

“Konsidera proposta altersaun lei ne’e la pertinente no la’os karakter urjénsia,  urjente liu mak ita aprova osan ba governu hodi sosa ekipamentu sira ba prevensaun pandemia moras corona virus (COVID-19), tanba ne’e ami bankada KHUNTO sei vota kontra ida ne’e”, deklara Xefe Bankada Parlamentár KHUNTO, Deputadu António Nobre Tilman, liuhosi nia intervensaun plenária iha Parlamentu Nasionál, Segunda (23/03).

Xefe bankada KHUNTO ne’e hatutan “Pedidu ida ne’e ho karater urjensia kona-ba porposta Lei no.12/v (2ª) alterasaun ba datoluk lei númeru 13/2009 de 21 Outubru kona-ba orsamentu no jestaun Finanseira nian”.

Xefe Bankada Parlamentár Partidu Demokrátiku (PD), António da Conceição ‘Kalohan’ iha nia intervensaun, hatete pedidu alterasaun OJF ne’e karakter urjénsia halo revizaun ba lei orsamentu no jestaun finanseira nian tanba mai husi situasaun dilemtika rua mak hanesan ambitu politiku no jurídiku.

“Konsidera pedidu ne’e ho karater urjénsia mai hosi situasaun dilemtika rua mak hanesan ida iha ambitu polítiku no iha ambitu juridiku. Iha ambitu polítiku ezistensia governu hala’o liu ona prosesu ne’ebé agora sei pendente hela iha Prezidente Repúblika nian liman. Bankada partidu Demokratiku mós husu ita refleta didi’ak ho revizaun ba artigu 31 kona-ba lei orsamentu no jestaun finanseira ladun iha opurtunu halo revizaun ba lei estruturante ida ne’e”, deputadu  PD ne’e haktuir.

Nia dehan, “Proposta alterasaun lei OJF sei lori ita ba duvida mak barak tanba presija deskkuti iha tempu ida ne’e”. Ana

Leave a Reply

Your email address will not be published.