FEATUREDIkus LiuNewsPolitika

Prevene COVID-19, SEFOPE Apela Públiku Fó Atensaun Ba Traballadór Timor Oan Fila Mai Timor

Fahe Tutan

Naunil Media(Díli), Sekretáriu Estadu Formasaun Profesionál no Empregu (SEFOPE), Julião da Silva, husu ba públiku atu fó atensaun ba traballadór sira Timor oan ne’ebé servisu iha Australia no Korea-Sul wainhira fila mai Timor, liliu hirak ne’ebé ho dalan illegal, tanba atu prevere pandemia moras corona virus (COVID-19).

Sekretáriu Estadu Julião da Silva, ba jornalista sira liu hosi komunikadu imprensa mak hala’o iha SEFOPE Kaikoli, foin lalais.     

“Hakarak apela ba públiku tomak, katak hotu-hotu fó atensaun ba traballadór sira Timor oan ne’ebé fila mai Timor, liliu sira ne’ebe la liuhosi dalan legais, tenke komunidade sira tenke servisu hamutuk no informa lalais ba governu, autoridade lokál, komesa hosi xefe aldeia, xefe suku, admistradór postu, seguransa PNTL atu foti medida, atu evita pandemia moras corona virus ne’ebé perigozu ba ema nia vida”, hateten membru oitavo governu konstitusionál, Julião da Silva.  

Governante ne’e mos husu ba traballadór sira atu kontribui nasaun, karik fila mai Timor tenke liuhosi dalan legál, tanba dalan illegal bele prejudika no estraga nasaun ho pandemia moras corona virus (COVID-19).  

“Tuir regra ne’ebe komisaun prevensaun COVID-19 hatun ona, SEFOPE kontinua fó instusoens preventivas ba traballadór sira molok ba servisu iha rai liur”, informa Nia.   

Enkuantu kona-ba informasaun ne’ebé espalla iha media social, katak Traballadór Timor oan ne’ebe fila ho dalan illegal, Sekretáriu Estadu ne’e deskorda tamba konsidera informasaun refere laloos. Dul

Leave a Reply

Your email address will not be published. Required fields are marked *