Pesoal Saúde Pozitivu COVID-19, Hein Rezultadu Teste Laboratóriu

Fahe Tutan

Naunil Media (Díli), Porta voz Sentru Integradu Jestaun Krize (CIGC-Sigla Português), Rui Maria de Araújo, informa kazu konfirmadu pesoál saúde pozitivu COVID-19, dadaun ne’e iha fatin izolamentu Hospital Nasional Guido Valadares (HNGV) no hein rezultadu análize série tuir mai.

“Iha kazu profissional saúde ida ne’ébé konfirmadu, agora iha izolamentu HNGV, no hein rezultadu análize série tuir mai”,Portavoz CIGC, Rui Maria de Araujo informa ba jornalista sira iha Sala Situasaun Centro de Convenções de Díli (CCD), Domingu (26/04).

Nia hatutan, pesoal saude sira ne’ebe halo tratamentu direta ba pasiente pozitivu iha sala izolamentu Vera Cruz, halo rotasaun kada semana ida, tama kuarantena kompri loron 14, la hatudu sintomas, nia bele kontinua halo atendimentu ba pasiente pozitivu COVID-19.

“Aproveita esplika ba populasaun tomak, katak profisionál saúde sira ne’ebé servisu diretamente ho kazu konfirmadu sira, ka iha fatin izolamentu, normalmente halo turnu semana ida. Semana ne’e hotu, sira tama kuarentena, durante loron 14. Se durante loron 14, sira la iha sintomas, sira bele fila ba uma durante semana ida, hafoin tama hikas servisu turnu durante semana ida”, informa porta voz CIGC, dr. Rui.

Maske nune’e, porta voz CIGC Odete da Silva Viegas, informa ona ba publiku iha loron sabadu 25 fulan abril tinan 2020 ne’e, katak ekipa epidemiolojia buka tuir ona númeru ema sira ne’ebe kontaktu ona ho pasiente pesoal saúde ne’ebe pozitivu ba COVID-19 ne’e hamutuk nain 29. Hosi númeru ne’e balun tama ona sentru kuarentena Otél kolmera no balun auto kuarentena ka kuarantena iha uma deit, hodi hein rezultadu teste hosi laboratoriu nasionál. Uar

Leave a Reply

Your email address will not be published.