SEKomS Vizita Radio Komunidade Maliana
Naunil Media (Maliana), Segunda (16/10) ne’e Sekretáriu Estadu Komunikasaun Sosiál, (SEKomS), Expedito Loro Dias Ximenes, ho hala’o vizita ba Rádio Komunidade Maliana hodi haree ho matan kondisaun no atividade loro-loron nian.
Vizita trabalho refere simu diretamente husi jestór rádio ho jornalista sira; Sekretáriu Estadu hala’o vizita ba estúdio, sala redasaun no fasilidade sira nota katak presiza iha apoiu di’ak liu-tan hodi bele fasilita servisu loro-loron nian.
Jestór Rádio Komunidade Maliana, Filomeno Goncalves Magalhaes haktuir, fasilidade iha estúdio di’ak hotu, iha redasaun maka komputador rua husi lima maka aat ona. preokuopasaun seluk maka transporte no komunikasaun.
Hatan ba preokupasaun hirak ne’e Sekretáriu Estadu orienta kedas ekipa husi Dirasaun Nasionál Dezenvimentu Mídia Lokal (DNPDML) atu rezolve.
Nune’e mós Sekretáriu Estadu subliña, governu da-sia fó preioridade maka’as ba setór komunikasaun sosiál no ba radio komunidade sira konsideradu liña frente tanba besik liu ba povu iha baze.
PERFIL : – Radio komunidade Maliana estabelese iha Munisípiu Maliana iha loron 20 fulan abril tinan 2002, iha Rua Hospital Tuan, Suku Holsa, Sub Distritu Maliana ho fundus husi Ajénsia Internasional ho naran UNESCO hodi oferese informasaun ba komunidade iha munisípiu Bobonaro, no ikus liu entrega ba iha Komunidade Maliana maka sai hanesan nain ba radio Komunidade Maliana rasik, no sai hanesan órgaun media independente ida.
Radio Komunidade Maliana ezisti ho nia frekuénsia 91.7 Mzh ho nia prinsípiu “Hatoó Lia Los, Nakonu ho Solidaridade hodi lori komunidade atu hatene ninia dever no obrigasaun nu’udar sidadaun Timor-Leste bazeia ba informasaun ne’ebé Komunidade tenke hatene iha ida-idak nia fatin” ho objetivu hodi bele fahe hanoin, ideias o programa ne’ebé mak iha tantu husi governu, ajensia nasionál no internasionál sira, nomos Komunidade rasik ba benefísiu komunidade, hodi bele hari’i komunidade ne’ebé iha responsabilidade ba informasaun.
KONSELLU RADIO KOMUNIDADE MALIANA : – Paulino Viegas Tilman (Prezidente), Alipio Monis (Vise), Januaria Goveia (Sekreária), António Pereira (Reprezentante Igreija), Eva Sidonia (Reprezentante Feto), José Baptista (Reprezentante Governu), Juliana S. Besi (Reprezentante Joventude) no Ernesto G. Marques (Seguransa). Ekipa : – Filomeno G. Magalhaes (Jestor), Joaquina Seixas (Finansa), Eugenia Soce Tai (Jornalista), Eva Sidonia (Jornalista), Carlito de Oliveira (Jornalista), Maria Imaculada (Jornalista), Rofina Monica Monis (Jornalista). */Kou
