Karik Eleitu, Abrão Sei Koopera Governu Sentral & Ajensias Internasionais Ba Dezenvovimentu Suku Lação
Naunil Media (Díli), Kandidatu foun ba Xefe Suku Lação, Postu Administrativu Atsabe, Ermera, Abrão da Conceição, hateten karik eleitu sei servisu maka’as ba dezenvolvimentu suku liuhosi kria kooperasaun ho governu sentral no Ajensias Internasionais.
“Hau kandidata-àn ba xefe Suku tanba hanesan hakarak hola parte ba responsabilidade, bele kontribui ba dezenvolvimentu suku”, Abrão da Conceição ba jornalista naunil.com via telefone, Segunda (16/10).
Joven ho idade 30 ne’e argumenta, ninia kandidatura refere hakarak fó valor ba Kontituisaun Repúblika Demokrátika Timor-Leste (K-RDTL) artigu 46 define sidadaun ho idade 17 ba leten iha diretu atu partisipa aktividade polítika.
“Hakarak partisipa festa demokrásia eleisaun suku, tuir vizaun no misaun, programa sira ne’ebe refleta kondisaun real iha Lação, hanesan falta bee mos no Infrastatura iha suku ne rasik”,tenik Abrão.
Kandidatura Abrão da Coneceição optimista katak sei eleitu nu’udar ba Xefe Suku Lação, tanba hetan apoiu husi konselu sira, jovens intelektual, estudantes no komunidade.
“Komunidade iha Suku Lação hotu-hotu mai la’o hamutuk ba dezenvolvimentu suku ne’e, hau nia-kadidatura mai atu sai matan, tilun, atu serví no sai atan ba imi”, apela nia.
Perfil badak : – Abrão da Conceição nu’udar sidadaun Timor-oan mai hosi Munisípiu Ermera, Postu Adiministrativu Atsabe, Suku Lação no Aldeia Nunumeia. Abrão Moris iha loron 30/12/1993, oan hosi Aman Florindo Soares no Inan Florinda Maia. Kandidatura ho abilitasaun literária Lisensiatura iha UNTL, Fakuldade Arte no Humanidades, Departamento Lingua Inglês. Ana
