Kazu COVID-19 Iha TL: Komfirmadu Pozitivu 24 Rekuperadu, Sala Izolamentu Mamuk

Fahe Tutan

Naunil Media (Díli), Liuhosi Sala Situasaun, Porta Voz Sentru Integradu Jestaun Krize (CIGC-Sigla Português), dr. Sergio Lobo, informa kazu COVID-19 konfirmadu nain  24  rekuperadu no dadaun ne’e laiha tan pasiente iha izolamentu Sentru Saúde Vera Cruz.

Porta voz COVID-19, dr. Sergio Lobo, ba jornalista sira liuhosi komunikadu imprensa iha Centro de Convenções de Díli (CCD), Sesta (15/05).

“Totál teste ne’ebé halo to’o ohin hamutuk nain 1314, horseik nian iha 1220. Teste konfirmadu nafatin 24, pasiente ne’ebé rekuperadu   hamutuk nain  24, nune’e ita laiha tan pasiente iha Vera Cruz.  Teste  negativu seidauk muda no nafatin 855, pasiente hein rezultadu 435, iha kuarentene hamutuk 44, ema ne’ebe liu ona kuarentena hamutuk nain 2238”,  informa dr. Sergio Lobo.

Ikus liu, dr. Sergio Lobo mos informa, “iha sidadaun ne’ebé klandestinamente tama mai teritóriu Timor-Leste, dadaun ne’e parte seguransa   lori ona ba iha kuarentena hodi kompri konfinamentu obrigatóriu loron 14. Apm

Leave a Reply

Your email address will not be published.