Semana Oin, Fretilin, PLP no Khunto Sei Obriga Vise PPN Lidera Meza PN

Naunil Media (Díli), Bankada Parlametár Partidu Fretilin, Partidu Libertasaun Popular (PLP) no Kmanek Haburas Unidade Nasional Timor Oan (KHUNTO), sira deklara, katak sei obriga vise Prezidente Parlamentu Nasional (VPPN) na’in rua  dirije ajenda destituisaun meja Parlamentu Nasionál hodi troka aktual Prezidente Parlamentu Nasional Arão Noé de Jesus da Costa Amaral.

Vise Xefe banlada PLP, Francisco de Vasconcelho, ba jornalista sira liuhosi konferensia inprensa iha Parlamentu Nasional, Sesta (15/05).

“Iha loron-11 Maiu tinan-2020, deputadu sira hatama ona rekerimentu ida ba gabinete Prezidente Parlamentu Nasional nian hodi fo hanoin kona-ba termu artigu 16 alinea B númeru 2 RPN nian, ne’ebé regula “Pedido de destituição … cuja votação e obrigatoriamente agendada para uma sessão plenária a ter lugar no prazo não superiór a cinco dias.”, Katak rekerimentu ba destituisaun PPN obrigatoriamente tenke hetan votasaun iha prazu maximu loron 5 deit. Prazu ne’ebe sei sura hosi loron servisu PN nian (dias úteis do PN) ka la sura ho loron sabadu no domingu, sei hotu iha tersa loron-12  Maiu tinan-2020”, esplika vise xefe bankada parlamentál PLP Francisco de Vasconcelho.

Deputadu ne’e hatutan, iha loron-13 Maiu tinan-2020, deputadu sira nain 33 asina tan karta ida hodi husu ba PPN atu hala’o sesaun plenária ida imediatamente tamba prazu loron lima ne’ebé Rejimentu Parlamentu estipula liu tiha ona.

“Iha karta bankada tolu ne’e subliña liafuan “obrigatoriamente” tuir artigu ida ne’e, katak gosta ka la gosta, hakarak ka lakohi, iha ka laiha razaun, PPN tenke uza nia kompetensia tuir artigu 17 RPN, tenke konvoka sesaun plenária ida atu halo votasaun ba pedidu destituisaun ida ne’e”, haktuir Francisco Vasconcelho.

Deputadu PLP ne’e, tenik “Maske Prezidente Parlamentu halo konferensia de imprensa iha loron 14 Maiu ne’e, hodi hato’o ninia razaun katak nia rejeita akuzasaun sira ne’ebé deputadu nain 33, reprezenta maioria absoluta ida, hato’o iha sira nia karta iha loron 5 Maiu liu-bá”.  

“Ho baze interpretasaun ba RPN hanesan deskreve iha nee duni, mak ami deputadu nain 33 asina ona karta ida iha loron-13 fulan-Maiu ne’ebé diriji ba Vice Prezidente Parlamentu Nasional nainrua, Sra. Maria Angelina Sarmento no Sr. Luis Roberto hodi husu sira atu substitui Prezidente Parlamentu Nasional temporariamente hodi konvoka no lidera sesaun plenaria ba votasaun destituisaun prezidente parlamentu atual, tuir kompetensia ne’ebé Rejimentu Parlamentu Nasional fo ba Vice Prezidente sira. Nune’e, deputadu sira ho maioria parlamentar ne’e husu no hein vice-prezidente parlamentu sira asumi funsaun ida ne’e iha tempu badak ne’e nia laran atu kumpri artigu 16-B RPN hodi ajenda obrigatoriamente votasaun ba destituisaun Prezidente Parlamentu ne’ebé ami hato’o tiha ona iha loron-5 fulan-Maiu liu ba”, argumenta Nia.

Tuir lei Estadu Emerjénsia ne’ebé vigora hela, hakerek momós katak orgaun soberania sira Estadu nian tenki mantein funsionamentu, tamba ne’e deputadu maiória iha parlamentu nasionál hakarak atu vice prezidente sira ajenda lalais votasaun ida ne’e atu garante funsionamentu normal parlamentu nasionál nian atu ajuda buka dalan ba hakotu lalais impase polítiku tinan 3 liu. Buka dalan tulun VIII governu iha kbiít naton ba luta hasoru Surtu COVID-19 no intervene iha situasaun ekonómia no sosiál mosu iha povu nia leét hanesan konsekuensia hosi Surtu COVID-19 ne’e. Uar