Diretór ADTL Sezario: Konsidera Estadu Seidauk Tau Atensaun Ba Ema Ho Difisensia
Naunila Media(Díli), Diretór Asosiasaun Difisente Timor-Leste (ADTL), Sezario Da Costa, Konsidera Estadu Timor-Leste seidauk Seriu tau atensaun ba ema ho difisente iha Timor-Leste.
“Orasametu 2023 nia ne’ebé mak pasa ona iha Parlamentu Nasionál no karik hetan promulga husi Prezidente Repúblika husu ba Governu atu realoka ba impelmentasaun ba ema ho difisente sira, ne’e mak sira rasik aprova durante ho orasamentu sedauk sufisente”, dehan Diretór ADTL Sejario Da Costa iha Palásio Prezidente Repúblika,foin lalais ne’e.
Nia hatutan, Orsamentu ne’ebé mak kada tina Governu aloka ba inkluzaun difisente la espesesifika sempre aloka de’it ba Centru Nasionál Reablitasaum(CNR), no ne’e la direita ba asuntu difisensia.
“Ami rekomenda ba Ministeriu Finansa atu iha markasaun ba orsamentu ba ema ho difisensia, hanesan markasaun ba jêneru no ba asuntu difisensia, para bele haten orsamentu, lae orsamentu ba difisensia nian la fikxu”, Diretor sublina.
Estadu Timor-Leste sedauk tau atensan masimu ba ema ho Difisensia no ema ho difisensa seidauk hetan atendementu ne’e di’ak ba iha orgaun estadu nian, no dala ruma hetan diskriminasaun, dehan nia.
Alende ne’e Diretór dehan durante ne’e sira sempre hetan diskriminasaun husi sosiadade ho termu ne’ebé mak diskriminativu no la edukativu sira husu ba sosiadade atu kontra linguajen wainhira hasai ba ema ho Difisensia.
Ami sente diskriminativu ba iha konstrusaun hirak ne’ebé lao ba prosesu dezenvolvimentu, tanba ema ho difisente de’it labele ba hetan oportunidade, satan metin tia, atetude husi sosiedade no inan aman sira nia mós diskriminativu, maibé ami sei nafatin servisu makas ho organizasaun difisensia atu halo sensebliza ba públiku hodi ema bele intende no difisiente sira labele hetan diskrimansaun, nia hakotu. Gyor