Lere Triste Rona Konfrontu Laga ho Bagia
Naunil Media (Díli), Xefi Estadu Maiór Jenerál FALINTIL Forsa Defeza Timor-Leste (F-FDTL), Majór Jenerál Lere Anan Timur senti triste hafoin rona situasaun konfrontu iha Laga ho Bagia.
Xefi Estadu Maiór Jenerál F-FDTL, Majór Jenerál Lere Anan Timur, hateten nia triste tanba Laga ho Bagia, sira mesak funu nain maibé loron kalam mak nafatin sunu malu no problema arte marsiais.
“Momentu ne’e ha’u to’o kedas fatin akontesementu hodi haree ita nia populasaun sira ne’ebé tauk hanesan fali uluk tempu Indonesia nian, maibé agora ne’e funu hotu mós ita sei tauk nafatin”, Xefi Estadu Maiór Jenerál F-FDTL, Majór Jenerál Lere Anan Timur, ba jornalista sira hafóin sorumutuk ho Prezidente Repúblika (PR) Francisco Guterres ‘Lú Olo’, iha Palásiu Prezidensiál Nicolau Lobato, Bair-Pite, Kuarta (9/09).
Nia hatutan momentu ne’eba sira husi Bagia hurlele malu mai Samalari, husi Samalasri mai to’o iha Lawateri, populasaun sira haree problema refere halo sira mós trauma loron sira atu sai ba halo sira nia atividade mós tauk. Pau/emj9
