Lere : Governu Tenke Fó Sansaun ba Sidadaun Sira Tama Ilegal iha Fronteira

Fahe Tutan

Naunil Media (Díli), Xefi Estadu Maiór Jenerál FALINTIL Forsa Defeza Timor-Leste (F-FDTL), Majór Jenerál Lere Anan Timur husu ba Governu tenke fó sansaun ba sidadaun Timor oan hirak ne’ebé mak sempre klandestinamente (illegal) iha fronteira.

Xefi Estadu Maiór Jenerál F-FDTL, Majór Jenerál Lere Anan Timur, ba jornalista sira hafoin sorumutuk ho Prezidente Repúblika (PR), Francisco Guterres ‘Lú Olo’, iha Palásiu Prezidensiál Nicolau Lobato, Bairu Pité, Kuarta (09/09).  

Durante sorumutuk regular ne’e,  Majór Jenerál Lere Anan Timur informa ba Xefe Estadu Timor-Leste Lú Olo kona-ba servisu seguransa no defeza nian ba kontrolu fronteira rai maran.

Eis-gerileiru komandante rejiaun I Ponta Leste, Lere, hatete kuaze loron-loron ema tama sai illegal, tanba fronteira luan, kuaze sidadaun sira barak mak ba hasa’e sintu (sabuk) iha Indonesia.

“Ita nian fórsa sira iha frontera UPF sempre kaer balu no balun halai fila tanba ne’e mak ha’u relata ba Prezidente Republika”, informa Xefi Estadu Maiór Jenerál F-FDTL, Majór Jenerál Lere Anan Timur.  

Jenerál Lere Anan Timur, sujere sisidadaun sira ne’ebe tama illegal, hafoin kompri kuatena, Governu labele husik livre maibe tenke fó sansaun.  

“Sira ne’ebé kaer ona dadaun ne’e iha ona kuarentena maibé depois kuarentena ne’e remata, husik los deit sira ka Governu tenke fó sansaun ba sira, tanba sira ne’e viola ona ita nia liña frontera”, tenik Jenerál Lere.

Ikus-liu Nia relata, fóin dadauk ne’e kuaze ema nain 50 ka 60 mak tama ona husi dalan illegal maibé Unidade Polisia Fronteira,(UPF) kaptura kuaze nain 20 resin no sira seluk ne’e halai fila ba Indonézia. Pau/emj9

Leave a Reply

Your email address will not be published.