EdukasaunFEATUREDIkus LiuNews

UNTL Inagura Edifisiu Foun Fakuldade Ekonómia

Fahe Tutan

Naunil Media (Díli), Universidade Nasionál Timor Lorosa’e (UNTL) inagura edifisiu foun iha fakuldade ekonómia iha UNTL

Tuir reitor UNTL João Soares Martins hateten, Ohin momentu importante tebe-tebes, tanba inagura tan ona edifisiu foun ida ba fakuldade ekonómia, tanba durante ne’e UNTL infrenta problema infrastrutura, partikularmente sala de aula.

“Inagura edifisiu foun ida ne’e espera katak,  atu bele mellora di’ak liu tan kondisaun infrastrutura, liu-liu sala de aula ne’ebé adekuadu ba estudante sira atu bele aprende, no edifisiu ne’e somentu iha fakuldade ekonómia ninian”, Dehan Reitor UNTL João Soares Martins ba jornalista hafoin kompania AITULA intrega save edifisiu foun iha UNTL, Kinta (13/02).

Reitor UNTL haktuir, Edifisiu foun ida ne’e ita bele utiliza maximu atu bele responde ba nesesidade akademika,  ba aulas ne’ebé mak efisiente ba ita nia estudante hotu.

“Ha’u Hakarak agradese ba kompania AITULA ne’ebé mak  halo servisu furak tebes”, katak reitor.

Iha fatin hanesan diretór kompania AITULA Silveiru Ferreira Maubere hateten, Konstrusaun edifisiu foun fakuldade ekonómia ida ne’e ami asina iha fulan Dezembru iha tinan 2019, maibé servisu efetivu ne’e hahu iha tinan 2020, komu ho situasaun pandemia servisu ne’e tarde.

Edifisiu foun fakuldade ekonómia ne’e iha lantai 3 ho nia sala hamutuk 18, no orsamentu ba konstrusaun edifisiu foun ne’e ho montante hamutuk $667.000.00. LTS

Leave a Reply

Your email address will not be published. Required fields are marked *