Duta Xerox Oferese Livru Kodigo Estrada ba PNTL

Fahe Tutan

Naunil Media (Díli), Sesta (02/10/20) ne’e, Kompañia nasionál Duta Xerox entrega livru kona-ba kodigo estrada hamutuk 50 ba Polísia Nasionál Timor-Leste (PNTL).

Segundu Komandante Polísia Nasionál Timor-Leste-PNTL Munisípiu Díl,i Superintendente Euclides Belo, hateten livru ne’e bazeia ba dekretu lei númeru 06/2003 ba kodigo estrada nian no livru ne’e ba  seksaun polísia trânzitu.

“Livru ne’e apoiu husi ita-nia parseiru sira, hanesan biblia ka manual polísia nian, atu kaer hodi hanorin fali ba komunidade ou abitante sira ne’ebé la’o iha estrada no utiliza transporte públiku sira”, Superintendente Euclides Belo, ba jornalista sira hafoin simu livru  husi Kompania Duta Xerox, iha Komandu Jerál PNTL, Kaikoli.

Euclides hatutan, livru 50 sei   entrega fali ba komandante trânzitu atu fahe ba membru polísia trânzitu sira hodi fahe ou hatutan no habelar informasaun sira ne’ebé mak ligadu ba  iha dalan públiku.

Ikus Nia  agradese ba kompania Duta Xerox ne’ebé ho volumtariamente oferese ona  livru  kodigu estrada nian ba PNTL. Emj5/Flo

Leave a Reply

Your email address will not be published.