Estudante Medisina UNTL 394 Juramentu Molok ba Materia Espesifiku
Naunil Media (Díli), Estudante nain 394 husi Universidade Nasíonal Timor Lorosa’e (UNTL) liu husi Fakuldade Medisina Siensia de Saúde (FMSS) halo juramentu molok tama ba iha aula pratika espesifiku.
Dekanu Fakuldade Medisina, José Dionisio Ximenes, hateten estudante hirak ne’ebé halo hanesan parte ida hodi bele Mantein sira nia profisionalsmu iha sira nia area durante pratika.
“Matéria espesifiku depois sira tenke tun ba baze halo prátika, bainhira atu prátika sira tenke halo juramentu, signifika juramentu ne’e hanesan juramentu estudante”, hateten Dekanu Fakuldade Medisina Siensia Saúde, José Dionisio Ximenes, ba jornalista sira iha Salaun Motael, Kuarta (25/11).
Nia hatutan, juramentu ne’e ho responsabilidade, dedikasaun hodi serví ho fuan no laran hodi rai segredu profesional liu-liu segredu pasiente sira ne’ebé mak simu tulun husi imi nia liman malirin ne’e”.
Tuir Reitor UNTL, Francisco Miguel Martins, seremonia ne’e importante tebes, presiza mos Universidade nia kontrolu no responsabilidade.
“Serimonia ne’e solene tebes responsabilidade akademiku, sosial, humana, etiku politiku ás tebes husi fakuldade Medisina Siensia Saúde tamba ne’e Saúde populasaun Timor-Leste, iha idak-idak nia liman maibe imi ajuda atu diak liu-tan, nune’e bele garante kualidade vida humana saudavel iha ita nia país”, hateten reitór ne’e.
Entertantu serimonia juramentu ne’e halao ba tinan ba fakuldade rua hanesan, fakuldade Medisina Siensia Saúde no parteira. Dul/ Emj11
