Governu Defende La Kriminaliza Produtu Jornalístiku
Naunil Media (Díli), Sekretariu Estadu Komunikasaun Sosial (SEKomS), Expedito Loro Dias Ximenes, hateten Governu Konstitusional da-Sia lideradu husi Primeiru Ministro (PM), Kay Rala Xanana Gusmão sei defende produtu jornalistiku labele kriminaliza tanba lei komunikasaun social regula no fó dalan ba públiku husu retifikasaun no direitu resposta, kuandu mosu insatisfasaun ruma relasiona ho produtu jornalístiku.
Afirmasaun ne’e hato’o husi Membru Governu konstitusional da-sia, Expedito Loro Dias Ximenes, wainhira sai orador ba programa Forum Editorial Meeting ne’ebé organiza husi Konselho Imprensa Timor-Leste (CI-TL, Sigla Portugés), iha postu administrative Balibo, suku Balibo Vila, Domingo (15/10).
“Sei defende forti liu-tan atu produtu jornalistiku labele kriminaliza, tanba ita iha lei komunikasaun sosial ne’ebe regula, bainhira produtu jornalistiku viola kodiku étika, mak iha nia dalan, iha retifikasaun no iha direitu de resposta”, afirma Sekretariu Estadu Expedito.
Governante ne’e hatutan, governu mos sei evita atu iha intervensaun poder polítiku no poder ekonómiku ba iha produtu jornalistiku, hodi garante independesia instituisaun media sira, independesia editorial no jornalista sira iha país damokráriku hanesan Timor-Leste.
“Nonu governu maske foin fulan 3, haree katak presija apoiu atu media sira ho situasaun antes ne’ebe media sira atravesa, presija fo apoiu. Apoiu nu-kontekstu atu bele fortifika sira-nia servisu, sira-nia formasaun em termo empreja ne’ebe harii media, apoiu indireita ne’ebe Governu fo hela, laiha intensaun oituan atu intervein produtu jornalistiku”, Nia subliña.
Enkuantu antes ne’e, iha dia 31 fulan Agostu 2023, governu liuhosi SEKomS asina akordu kontratu ho media imprime lima (Jornal Timor Post, Jornal Diário Nasionál, Jornal Independente, Jornal Díli Post no Jornal STL) ho termu kontratu distribuisaun jornal ba to’o iha area rural iha teritóriu Timor laran, em eseptu Rejiaun Oe-Cusse. Alein de, iha dia 05 fulan Outobru tinan ne’e,SEKomS mos selebra akordu kontratu ho media ho plataforma online no tv streaming ne’ebé rejistradu iha SERVE,Ip no CI-TL. Kou
