Derota Kontra Naunil Media, Ekipa Feto Timor Post Sai Husi MAPKOMS Cup 2020
Naunil Media (Díli), Ekipa Feto Naunil Media susesu halakon adversáriu Timor Post ho eskor 3-1, iha jogu kontinuasaun Torneu MAPKOMS 2020 pool D mak halo’o iha kampu Futebol Salaun Bebora Segunda (10/11).
Inísiu jogu primera parte entre ekipa rua kontara-atake ba malu, iha minutu rua (2) Naunil hetan oportunidade fura uluk adversariu Timor-post nia rede husi liu jogador Dulce.
Jogador ho númeru kamizola 3 ne’e marka golu hafoin simu asistensia bola pasa husi suta bareia husi nia kompainera Muky.
Jogu lansa la’o ba minutu 5 Timor Post tenta buka oportunidade hodi halo enpata muda eskor ba 1-1. Golu ne’e hetan husi jogador númeru kamizola (5) Imelda ho nune’e jogu primera parte empata 1-1.
Segunda parte ekipa Naunil kontinua lansa domina jogu hodi hetan tan golu 2 hodi muda eskor ba 3-1.
Jogu Segunda parte nia iha minutu 15 Naunil lideransa hikas hafoin jogadór Dulce marka tan golu ida hodi muda eskor ba 2-1.
Tama ba iha ba minutu 18 jogadór Muky hetan oportunidade golu ida hodi haboot score ba 3-1 to’o termina jogu vitória ba Nsunil Media ho score 3-1.
Ekipa futeból feto Timor Post tenki ho fuan bo’ot simu rezultadu ne’e hodi sai husi Torneiu MAPKOMS. Emj14