Transfere Ona Ema Nain Rua Hosi Kuarentina Ba Izolamentu HNGV
Naunil Media(Díli), Diretóra Jerál Prestasaun Saúde, Ministeriu Saúde (MS), Odete Viegas, hateten durante ema sira iha fatin karantina nain rua hetan sintomas, no dadaun ne’e transfere ona ba fatin izolamentu Hospital Nasionál Guido Valadares (HNGV).
Diretóra Jerál Prestasaun Saúde, Ministeriu Saúde (MS), Odete Viegas, ba jornalista sira hafoin enkontru ho ekipa jestaun krize, iha Sentru Konvensoens Díli (CCD-Sigla Português), Tersa (31/03).
“Iha duni pasajeirus balun mai hosi nasaun afeitadu ida ka rua hetan duni hatudu sintomas Covid-19, ita muda kedas ba Hospital Nasionál Guido Valadares fatin izolamentu ne’ebe mak perpara iha ne’ebe iha kuartu rua tau hela iha ne’eba”, dehan Odete.
Diretóra Jerál Prestasaun Saúde ne’e hatutan, durante ema sira iha karantina ne’e kuandu hatudu ona sintomas isin manas no mear ministeriu saude buka fatin ona tau ketak iha hospital nasional sai ona amostra hodi bele hare rejultadu.
“Durante karantina ne’e ita nia pasajeiru sira ne’e karik bele mos hatudu sintomas isin manas no mear ita bele buka fatin hanesan hospital iha fatin nebe mak agora iha espasi ida rua ita bele tau no hasai kedas ona amostra para ita bele hare rejultadu ne’e pozitivu ga negative, se pozitivu tenke muda mai ona iha sentru saude vera kruz, maibe nia negativu natun nia bele ba karantina iha nia uma”, haktuir Diretóra Jerál Odete.
Tuir Nia, to’o agora seidauk iha tan kazu Covid-19 ho pozitivu, maibe ita hein tan semana ne’e sei hasai tan rejultadu balun durante ne’e halo teste ona iha laboratorium maibe karik nia negativu entaun nia bele livre ona husi fatin izolamentu.Uar
