Kilik Junior : Loriku Aswa’in Lakon Vida Tanba Domin ba Povu no Rain
Naunil Media (Díli), Reinaldo Kilik Junior, hateten Juventude loriku aswa’in ne’ebé lakon sira nian vida iha Masakre 12 Novembru 1991 tanba domin ba povu no rain Timor-Leste (TL).
Reinaldo Kilik Junior ba jornalista sira liuhusi diskursu, iha seminariu ba komemorasaun 12 Novembru 1991 tinan ida ne’e Timor-Leste selebra dala-29, iha salaun Xanana Sport Center, Bairu dos Grilhos, Tersa (10/11).
Reinaldo hateten, iha tinan 29 ba kotuk Juventude Loriku Aswa’in liu atus-rua lakon sira nian vida, iha trajedéia 12 novembru 1991 ne’ebé akontese Masakre Santa Kruz ho espíritu nasionalismu no domin ba rain doben no independensia Timor-Leste.
“Ita-nia povu no ba ita-nia nasaun, joven sira se an ba mate hodi defende ita-nia indepedénsia”, dehan Jonior.
Nia relata, Masakre Santa Cruz atu hatudu ba mundu tomak, povu Timor-Leste organizadu hodi luta ba ba ukun rasik an.
Tuir Nia, Independensia ne’e rezultadu servisu no koordenasaun entre Frente hotu-hotu, no Juventude mak hatutan loloós espíritu funu nian, afirma parente inimigu no perante ba mundu hodi deterimensaiun vida nasaun nian.
“Ita-nia nasaun nian forsa boot mak Juventude, Por volta 75 (%) husi ita-nia populasaun mak ho idade husi tinan 35. Realidade Demográfika ida ne’e hatudu katak imi joven sira mak forsa importante ida iha ita-nia rain”. Tenik
Nia Ikus liu, Reinaldo, apela ba joven sira atu servisu hamutuk kria espasu explora poténsia sira no hatudu talentu ho kapasidade dezemvolve nasaun. Fet/Emj7
