Durante Fulan Ha’at Sentru Saúde Farmoza Rejista Moras Ispa Hamutuk 3.313
Naunil Média (Díli), Xefe Sentru Saúde internamentu Farmoza Jaime Dos Reis Belo informa, Hahú husi Janeiru to’o Abril tinan ida ne’e, Sentru saúde Farmoza, rejista moras Ispa hamutuk 3.313.
“hahu husi Janeiru rejista moras ispa humutuk 1378, Fevereiru 1.197, Marsu 563, Abril 175, Ho ne’ebé rekolha durante fulan ha’at hamutuk mak 3.313.” Dehan Xefe Sentru Saúde Farmoza, Jaime Dos Reis Belo, ba Naunil Media, iha nia knar fatin Quarta (12/05).
Nia esplika, Moras ne’ebé mak durante ne’e sentru Saúde rejista mak hanesan Ispa, Diarea, inklui moras kulit.
“Moras hirak ne’e kauza husi ambiente ne’ebé mak foer. Nune’e komunidade sira tenke so’e lixu tuir nia fatin ne’ebé preparadu ona, komunidade sira mos tenke hamos ambiente evita husi moras ne’e. Tenik Sefe sentru Saúde.
Jaime haktuir, Atu rekupera moras ne’e komunidade sira tenke hakbesik an ba sentru Saúde, Nune’e bele hetan tratamentu husi pesoal saude sira.
“Durante iha situasan normal sentru saúde refere atende pasiente to’o 1.000 resin, Maibe tamba agora situasaun pandemia covid-19, atendimentu lahanesan uluk ona.” Haktuir Jaime
Ikus liu nia hateten, atendimentu pesoal saúde sira la’o normal hanesan babain, Ba mediku, parteira, infermeira/u, inklui programa sira seluk la’o normal hanesa babain. Latu
