Prezidente ANPM, Gualdino : “Termu Tékniku Petróleo Sai Defikuldade ba Jornalista Sira”

Fahe Tutan

Naunil Media (Díli), Prezidente Autoridade Nasional Petróleo no Minerais (ANPM), Gualdino da Silva, hateten termu tékniku petróleo sai difikuldade ba jornalista sira wainhira hakerek notísia hodi hato’o ba públiku.   

Nune’e, ANPM hola inisiativa hodi fó formasaun ba jornalista no editór hosi média nasionál sira, liu-liu jornalista sira atu bele hatene lolos saida mak seitór petróleo no mos termu tekniku petróleo nian.

“Partilla informasaun ba sira (jornalista) kona-ba saida mak seitór petróleo, liu-liu ba pontu de vista autoridade reguladór nian no jornalista aprejentadór sira tenke buka no define kada termu ne’ebé utiliza hodi bele hakerek notisia kona-ba ANPM nian”, Prezidente ANPM, Gualdino da Silva, liuhosi nia deskursu abertura formasaun iha Timor Plaza, Kuarta (24/06).

Prezidente ANPM, Gualdino, hatutan jornalista tenke akompaña no bele define termu hodi bele utiliza iha hakerek  notisia.

Iha fatin hanesan Prezidente Konsellu Imprensa Timor-Leste (CI-TL-Sigla Português), Virgílio da Silva Guterres, konsidera progmasaun ne’e pertinente, tanba atu ajuda profesionais media (jornalista) hodi hakerek notisia antes públika ba públiku.  

“Bele ajuda maluk jornalista sira, bele intende informasaun ruma kona-ba seitór (petróleo) ida nee, nune’e  regularmente bele fó hatene ba ita-nia leitór no ouvintes sira bele hatene kona-ba lala’ok petróleo”, subliña Virgílio.

Formasun ne’e hala’o durante loron rua hahú iha 24 to’o 25 fulan Juñu ne’e, formadór mai husi ANPM, hetan partisipa husi CI-TL, jornalista no editór sira husi media nasionál. Apm

Leave a Reply

Your email address will not be published.