PNTL Fó Seguransa Máxima Ba Odamatan Tolu Kontrola COVID-19
Naunil Media (Díli), Komandante Jerál Polísia Nasionál Timor-Leste (PNTL), Komisáriu Faustino da Costa, hateten PNTL kontinua fó seguransa másima ba odamatan (fronteitra) tolu hanesan Suai, Bobonaro no Oe-Cuse hodi kontrola pandemia corona virus (COVID-19) mai Timor-Leste (TL).
“Polísia ninia responsabilidade iha área seguransa hodi detekta duni sidadaun ita-nian no sidadaun hosi nasaun sira seluk. Seguransa PNTL hola nia papel hodi haree no hato’o ba ekipa COVID-19 nian hodi tau iha fatin karantina nian para atu halo observasaun”, hateten Komandante Jerál PNTL, Komisáriu Faustino da Costa ba jornalista sira hafoin sorumutuk semanál ho Prezidete Repúblika Francisco Guterres ‘Lú Olo’, iha Palásiu Prezidensál Nicolau Lobato, Bairro Pité, Kinta (19/03).
Komisáriu Faustino da Costa informa, komandu fó ona orientasaun ba kamandante Fronteira munisipiu tolu hanesan Bobonaro, Suai no Oe-Cusse hodi asegura seguransa no haree ema ne’ebé tama sai ho ilegal tenke haruka ba ekipa COVID-19 hodi halo izolamentu iha fatin karentina.
“Ekipamentu sira bazíku atu asegura polisia sira, agora dadaun foin dezloka ba oinsa mak haree nesesidade hodi kompleta liu-liu asegura pesoál polísia sira ne’ebé mak servisu iha área fronteira nian”. Dehan komisáriu PNTL ne’e. Lop
