Kandidata àn ba Xefe Suku Builale, Cesário Promete Kria Paz Entre GAM
Naunil Media (Builale), Kandidatu foun ba xefe suku Builale, Ossu, Viqueque, Cesário de Carvalho, hateten karik eleitu iha xuku refere mak sei koopera ho Grupu Arte Marsial (GAM) garante paz no estabilidade hodi kontribui ba dezenvolvimentu.
“Hau nia-kandidatura ho programa prioridade partisipasaun ativu ba dezenvolvimentu Ekonomia, Agrikultura no infraestrutura baziku ho inkluzivu, liu husi halibur komunidade tomak iha suku laran”, tenik kandidarura foinsa’e ne’e ba jornalista Naunil Media, foin lalais.
Nia promote, hametin no dezenvolve grupo kooperativas ne’ebe eziste ona iha suku Builale hodi garante nafatin sustentabilidade ekonomia iha suku laran.
“Alein de hametin fali sistema tara bandu hodi proteja rikeja sira ne’ebe dau-daun ne’e suku Builale. Ejekusaun orsamentu iha suku laran tuir tarjetu ne’ebe aprova iha konsellu do suku ho transparansia ho onestu”, dehan kandidatu Xefe Suku Builale ba períodu 2024-2030.
Ikus liu, Cesário de Carvalho, dehan nia-prontu lidera suku builale ba periode 2024 to’o 2030 ho “Husi Povu ho Povu Fila Fali Hamutuk ho Povu”. Aba
