Komunidade iha Suku Ponilala Iha Ermera Hahú Simu Sesta Bazíka

Naunil Media (Ermera), Adão Soares da Cruz hanesan komunidade iha suku ponilala hateten, iha suku ne’e rasik hahú ona simu sesta bazíka ba faze daurak nian, maske ituan agradeze ba governu .

“Ai-han sira ne’ebé mak ita nia governu sira fó, ami simu maske oituan ka barak mós ne’e ami simu, tanba ida ne’e mak ita nia governu sira hanesan ajuda netik ona ita nia nesidade loron balun nian”, dehan Adão Soares da Cruz ba Naunil Media iha Suku Ponilala, Posto Administrativu Ermera Villa, Munisípiu Ermera foin lalais ne’e.

Nia hatutan, Governu Timor-Leste ba oin tenke hadi’a programa refere,  karik programa ne’e ba oin sei iha, tanba sasan balun hetan dodok hanesan Hudi nune’e komunidade sira la bele simu.

Nia hateten, sasan sira uluk di’ak liu ida agora governu presiza hadia sasan sira ne’e.

“Tanba programa ne’e agora ba dala rua ona simu kona-bá ai-han, ami husu ba  governu  atu hadia programa ne’e tenke mudansa ho tinan kotuk nian, tanba agora ami simu sasan ne’e  hanesan Hudi,  balun dodok tiha ona entaun ami la bele simu no ne’e estraga de’it”, nia lamenta.

Enkuntu sasan sira ne’e mak hanesan, fos, mina, manu tolun, kafe, hudi, na’an Karau, Ikan no seluk. Aba